Qazaqstanda oblystyq sport basqarmalarynyń basshylary jańa ádispen taǵaıyndalady

Foto: ashyq derekkóz

Bul úshin Týrızm jáne sport mınıstrliginde arnaıy komıssııa quryldy, dep jazady qandastar.kz

Oblystyq sport basqarmalarynyń basshylaryn taǵaıyndaý ókilettigi jergilikti atqarýshy organdardan Týrızm jáne sport mınıstrligine berildi. Osy maqsatta mınıstrlikte mınıstr Erbol Myrzabosynov basqaratyn arnaıy komıssııa quryldy.

HHHIII Jazǵy Olımpıada oıyndarynyń jeńimpazdarymen kezdesýde  Prezıdent úkimetke sport salasyndaǵy vertıkaldy basqarýdy qalpyna keltirýdi tapsyrdy. Komıssııanyń negizgi mindeti – bólimder arasynda jaýapkershilik pen ókilettikterdi naqty jáne ádil bólý.

Oblystyq sport basqarmalarynyń basshylary laýazymyna úmitkerler kásibı tájirıbesi, basqarý qabileti, kommýnıkatıvti daǵdylary, strategııalyq oılaý qabileti jáne moraldyq-etıkalyq qasıetteri sııaqty birqatar krıterııler boıynsha baǵalanady.

Kandıdattardy jergilikti atqarýshy organdar men mınıstrlik, sondaı-aq azamattardyń ózderi usyna alady. Osy ýaqytta Pavlodar, Qaraǵandy ​​jáne Túrkistan oblystarynyń sport basqarmalarynyń jańa basshylaryn taǵaıyndaý jónindegi komıssııa otyrysy ótti.