قازاقستاندا «ورالمان» تەرمينىنىڭ انىقتاماسى وزگەرمەك

كوشى-قون پروتسەستەرىن رەتتەۋ ماسەلەلەرى بويىنشا زاڭ جوباسىنا سايكەس قازاقستاندا «ورالمان» تەرمينىنىڭ انىقتاماسىن قايتا قاراۋعا نيەتتى دەپ حابارلايدى KAZ.NUR.KZ.

«قولدانىستاعى زاڭناماعا سايكەس, ەتنيكالىق قازاقتار ورالمان مارتەبەسىن الۋ ءۇشىن قازاقستان رەسپۋبليكاسى تاۋەلسىزدىك الماي تۇرعان ۋاقىتتا باسقا مەملەكەت اۋماعىندا تۇرعانىن راستاۋ كەرەك. تاجىريبەدە 1991 جىلدان كەيىن تۋعان ەتنيكالىق قازاقتار مۇنداي قۇجاتتاردى ۇسىنا المايدى.
وسىعان بايلانىستى, «ورالمان» تۇسىنىگى باسقا رەداكتسيادا باياندالادى. وعان سايكەس, باستى تالاپ ەتنيكالىق قازاقتىڭ بۇرىن-سوڭدى قازاقستان رەسپۋبليكاسى ازاماتتىعىن الماۋى بولادى.
بۇدان باسقا, ازىرلەۋشىلەر ورالماندارعا عانا ەمەس, قونىس اۋدارۋشىلارعا دا بەيىمدەۋ جانە ىقپالداستىرۋ قىزمەتتەرىن كورسەتۋ جونىندەگى ورتالىقتاردىڭ قىزمەتىن كەڭەيتۋدى قولداپ وتىر.

قازىرگى ۋاقىتتا قازاقستاندا وسىنداي ءۇش ورتالىق جۇمىس ىستەيدى. ولار قاراعاندى, شىمكەنت قالالارىندا جانە تۇركىستان وبلىسىنىڭ اقسۋكەنت اۋىلىندا ورنالاسقان.