جاڭالىقتار
قازاقستاندا پەداگوگيكالىق عىلىمدى دامىتۋ ورتالىعى قۇرىلادى
وقۋ-اعارتۋ ءمينيسترى عاني بەيسەمباەۆ سوڭعى جىلدارى پەداگوگتەردىڭ كاسىبي دەڭگەيىن ارتتىرۋعا ەرەكشە نازار اۋدارىلعانىن اتاپ ءوتتى, دەپ جازادى qandastar.kz
ماسەلەن, وتكەن جىلى عىلىمي زەرتتەۋلەرمەن اينالىساتىن مۇعالىمدەردىڭ ۇلەسى 1,6 ەسە ءوستى, ال پەداگوگتەر اراسىنداعى ماگيسترلەر سانى رەكوردتىق 27,9 مىڭ ادامعا جەتتى.
بۇدان بولەك, مينيسترلىك پەداگوگتەر اراسىنان كادرلىق رەزەرۆتى قالىپتاستىرۋعا باعىتتالعان ء«بىلىم بەرۋدەگى وزگەرىستەردىڭ 1000 كوشباسشىسى» جوباسىن ىسكە اسىرۋدى جالعاستىرۋدا.
ء«بىلىمنىڭ ساپالى بولۋى ۇستازدىڭ مىقتىلىعىنا بايلانىستى. بۇل ءبىلىم بەرۋ ينستيتۋتى پەداگوگيكالىق زەرتتەۋلەردى جۇيەلى دامىتۋعا, مۇعالىمدەردىڭ عىلىمي الەۋەتىن كۇشەيتۋگە جانە بولاشاق مامانداردى دايىنداۋ دەڭگەيىن ارتتىرۋعا مۇمكىندىك بەرەدى», – دەدى عاني بەيسەمباەۆ.
كونفەرەنتسيا اياسىندا مەكتەپكە دەيىنگى, ورتا, تەحنيكالىق جانە كاسىپتىك, سونداي-اق جوعارى جانە جوعارى وقۋ ورنىنان كەيىنگى ءبىلىم بەرۋدىڭ وزەكتى ماسەلەلەرىنە ارنالعان جۇمىس سەكتسيالارى ءوتتى. وڭىرلەردەن كەلگەن عالىمدار مەن پەداگوگتەر ءۇشىن ونلاين-ترانسلياتسيا ۇيىمداستىرىلدى.
ء«ىس-شارادا ءال-فارابي اتىنداعى قازۇۋ جانە ى.التىنسارين اتىنداعى ۇلتتىق ءبىلىم اكادەمياسى اراسىنداعى ىنتىماقتاستىق تۋرالى مەموراندۋمعا قول قويىلدى. كەلىسىم اياسىندا پەداگوگيكا سالاسىنداعى عىلىمي زەرتتەۋلەر الاڭىنا اينالاتىن پەداگوگيكا عىلىمىن دامىتۋ ورتالىعى قۇرىلاتىن بولادى»,- دەلىنگەن اقپاراتتا.
zakon.kz حابارلاعانداي, بۇعان دەيىن ماڭعىستاۋلىق ايەلدەردىڭ 8 ناۋرىز قارساڭىندا بىرجولعى الەۋمەتتىك تولەم الاتىندىعى حابارلانعان بولاتىن.
