Qazaqstanda pnevmonııa órship tur: Mınıstrlik omıkron shtammynyń beleń alyp turǵanyn aıtty

Foto: ©AFP/Cris Bouroncle

Elimizde ókpesi qabynǵan naýqastardyń sany aıtarlyqtaı ósken. Densaýlyq saqtaý mınıstrligi bul jaǵdaıdyń omıkron shtammynyń basqa nusqalarynyń taralýymen baılanysy bar-joǵyn túsindirdi. Bul týraly qandastar.kz Stan.kz aqparat agenttigine silteme jasap habarlaıdy.

“Jyl basynan beri alǵashqy alty aıda Qazaqstanda pnevmonııamen 49 704 jaǵdaı tirkeldi.  Bul kórsetkish ótken jylmen salystyrǵanda 19,2 paıyzǵa kóp. 2023 jyly ókpesi qabynǵan naýqastardyń sany 123 910 jetti. Onyń ishinde 40 144 jaǵdaı alǵashqy alty aıda tirkeldi”, – dep málimdedi mınıstrlik.

Vedomstvo pnevmonııanyń órshýine álemde beleń alyp turǵan omıkron JN.1 shtammynyń áseri baryn aıtty.

“Qazaqstandaǵy genetıkalyq zertteýlerdiń sońǵy málimetterine sensek, JN.1.13 – 61%; JN.1.18 – 22% jáne JN.1 – 8,7%. Dúnıejúzilik densaýlyq saqtaý uıymynyń málimeti boıynsha, JN.1 shtammy adam densaýlyǵyna asa qaýipti emes. jáne basqa aınalymdaǵy nusqalarǵa qaraǵanda qaýipti emes. Shtammnyń juqpalylyǵynyń aıtarlyqtaı joǵary bolǵanyna qaramastan naýqas qatty aýyrsynýdy sezbeıdi”, – delingen habarlamada.