جاڭالىقتار
قازاقستاندا رەسپۋبليكالىق ورفوگرافيا كوميسسياسى قۇرىلماق
فوتو: pixabay.com
قازاقستاندا مەملەكەتتىك ءتىل ورفوگرافياسىنىڭ عىلىمي نەگىزدەلگەن نۇسقاسىن ازىرلەۋ ماقساتىندا رەسپۋبليكالىق ورفوگرافيا كوميسسياسىن قۇرۋ جوسپارلانعان, دەپ حابارلايدى Skifnews.kz اقپارات پورتالى.
بۇل مالىمەت ۇكىمەت قاۋلىسىنىڭ جوباسىندا جازىلعان. جوبا كوپشىلىكتىڭ تالقىلاۋىنا ۇسىنىلدى.
«قازىرگى تاڭدا قازاق ءتىلىنىڭ ورفوگرافياسىن جۇيەلەۋ اسا ماڭىزدى ماسەلە. مەملەكەتتىك ءتىل ورفوگرافياسىن عىلىمي نەگىزدەلگەن نۇسقادا ازىرلەۋ مەن بەكىتۋ ءۇشىن ارنايى ورفوگرافيالىق كوميسسيا قۇرۋ قاجەت. بۇل مىندەت ۇكىمەتتىڭ №914 قاۋلىسىمەن بەكىتىلگەن ەلىمىزدە ءتىل ساياساتىن دامىتۋدىڭ 2023-2029 جىلدارعا ارنالعان تۇجىرىمداماسىندا كوزدەلگەن, – دەلىنگەن «اشىق نقا» پورتالىندا جاريالانعان اقپاراتتا.
