قارجى جانە تولەمدەر
قازاقستاندا شەتەلدىك كوزدەردەن كىمدەر قارجى الادى?
فوتو: اشىق دەرەككوز
قارجى مينيسترلىگىنىڭ مەملەكەتتىك كىرىستەر كوميتەتى 2024 جىلدىڭ ەكىنشى جارتىجىلدىعىندا شەتەلدىك قارجىلاندىرۋ العان تۇلعالاردىڭ كەزەكتى ءتىزىلىمىن جاريالادى, دەپ حابارلايدى qandastar.kz
شەتەلدىك كوزدەردەن قارجى العان تۇلعالاردىڭ ءتىزىمى مەملەكەتتىك كىرىستەر كوميتەتىنىڭ رەسمي سايتىندا ورنالاستىرىلعان.
ۆەدومستۆونىڭ مالىمەتىنشە, جالپى 2023-2024 جىلدارى 295 تۇلعا ەسەپ بەرگەن, ونىڭ ىشىندە 118-ءى تۇراقتى تۇردە, 96-سى مەرزىمدى تۇردە, ال 81-ءى ءبىر رەتتىك ەسەپ بەرگەن.
«2023 جىلى شەتەلدىك كوزدەردەن اقشا جانە (نەمەسە) م ۇلىك الۋ تۋرالى مالىمەتتەر 267 تۇلعا تاراپىنان ۇسىنىلىپ, جالپى سوماسى 28,7 ميلليارد تەڭگەنى قۇرادى. 2024 جىلى مۇنداي ەسەپتەر 218 تۇلعا تاراپىنان ۇسىنىلىپ, جالپى سوماسى 27,2 ميلليارد تەڭگەنى قۇرادى. بۇل شارا ازاماتتاردىڭ مەملەكەتكە جانە ۇكىمەتتىك ەمەس ۇيىمدارعا دەگەن سەنىم دەڭگەيىن ارتتىرۋعا باعىتتالعان», – دەلىنگەن حابارلامادا.
تىزىمدە كەلەسى ۇيىمدار كورسەتىلگەن:
- قازاقستانداعى «ينتەرنيۋس نەتۆورك» وكىلدىگى
- «قازاقستاندىق حالىقارالىق ادام قۇقىقتارى جانە زاڭدىلىقتى ساقتاۋ بيۋروسى» قب
- «حالىقارالىق جۋرناليستيكا ورتالىعى MediaNet» قق
- ورتالىق ازياداعى روزا ليۋكسەمبۋرگ قورىنىڭ وكىلدىگى
- «قازاقستاننىڭ جاستار اقپاراتتىق قىزمەتى» قق
- «سولتۇستىك قازاقستان قۇقىقتىق مەديا ورتالىعى» قق
- ء«ادىل ءسوز» حالىقارالىق ءسوز بوستاندىعىن قورعاۋ قورى
- «قۇقىقتىق ساياساتتى زەرتتەۋ ورتالىعى» قق
- «قازاقستاننىڭ ينتەللەكتۋالدىق مەنشىك اگەنتتىگى» جشس
- «Sana Sezim» ايەلدەر باستامالارىنىڭ قۇقىقتىق ورتالىعى» قب «اگروسويۋز قازاقستان» اۋىل شارۋاشىلىعى كووپەراتيۆتەرىنىڭ رەسپۋبليكالىق قاۋىمداستىعى» زتب
- «توبىلينفو» اقپاراتتىق اگەنتتىگى» جشس جانە تاعى باسقا ۇيىمدار.
2024 جىلدىڭ ەكىنشى جارتىجىلدىعىندا جالپى 200 ۇيىم تىزىلىمگە ەنگىزىلگەن. سونىمەن قاتار شەتەلدىك كوزدەردەن الىنعان قارجى تۋرالى ەسەپتەردى تاپسىرۋ تالاپتارى الەمدىك تاجىريبەگە سايكەس كەلەتىنى ايتىلعان. اقپان ايىندا مەملەكەتتىك كىرىستەر كوميتەتى قازاقستاندا شەتەلدىك قارجى الاتىن تۇلعالاردىڭ ءتىزىلىمى ءار جارتى جىل سايىن جاريالاناتىنىن جانە اقپاراتتىڭ اشىق قولجەتىمدى ەكەنىن حابارلاعان ەدى.
