Qazaqstanda sheteldik kózderden kimder qarjy alady?

Foto: ashyq derekkóz

Qarjy mınıstrliginiń memlekettik kirister komıteti 2024 jyldyń ekinshi jartyjyldyǵynda sheteldik qarjylandyrý alǵan tulǵalardyń kezekti tizilimin jarııalady, dep habarlaıdy qandastar.kz

Sheteldik kózderden qarjy alǵan tulǵalardyń tizimi memlekettik kirister komıtetiniń resmı saıtynda ornalastyrylǵan.

Vedomstvonyń málimetinshe, jalpy 2023-2024 jyldary 295 tulǵa esep bergen, onyń ishinde 118-i turaqty túrde, 96-sy merzimdi túrde, al 81-i bir rettik esep bergen.

«2023 jyly sheteldik kózderden aqsha jáne (nemese) múlik alý týraly málimetter 267 tulǵa tarapynan usynylyp, jalpy somasy 28,7 mıllıard teńgeni qurady. 2024 jyly mundaı esepter 218 tulǵa tarapynan usynylyp, jalpy somasy 27,2 mıllıard teńgeni qurady. Bul shara azamattardyń memleketke jáne úkimettik emes uıymdarǵa degen senim deńgeıin arttyrýǵa baǵyttalǵan», – delingen habarlamada.

Tizimde kelesi uıymdar kórsetilgen:

• Qazaqstandaǵy «Internıýs Netvork» ókildigi
• «Qazaqstandyq halyqaralyq adam quqyqtary jáne zańdylyqty saqtaý bıýrosy» QB
• «Halyqaralyq jýrnalıstıka ortalyǵy MediaNet» QQ
• Ortalyq Azııadaǵy Roza Lıýksembýrg qorynyń ókildigi
• «Qazaqstannyń Jastar aqparattyq qyzmeti» QQ
• «Soltústik Qazaqstan quqyqtyq medıa ortalyǵy» QQ
• «Ádil sóz» halyqaralyq sóz bostandyǵyn qorǵaý qory
• «Quqyqtyq saıasatty zertteý ortalyǵy» QQ
• «Qazaqstannyń ıntellektýaldyq menshik agenttigi» JShS
• «Sana Sezim» áıelder bastamalarynyń quqyqtyq ortalyǵy» QB «AgroSoıýz Qazaqstan» aýyl sharýashylyǵy kooperatıvteriniń respýblıkalyq qaýymdastyǵy» ZTB
• «TobylInfo» aqparattyq agenttigi» JShS jáne taǵy basqa uıymdar.

2024 jyldyń ekinshi jartyjyldyǵynda jalpy 200 uıym tizilimge engizilgen. Sonymen qatar sheteldik kózderden alynǵan qarjy týraly esepterdi tapsyrý talaptary álemdik tájirıbege sáıkes keletini aıtylǵan. Aqpan aıynda Memlekettik kirister komıteti Qazaqstanda sheteldik qarjy alatyn tulǵalardyń tizilimi ár jarty jyl saıyn jarııalanatynyn jáne aqparattyń ashyq qoljetimdi ekenin habarlaǵan edi.