قارجى جانە تولەمدەر
قازاقستاندا شەتەلدىڭ 14 مىڭعا جۋىق ازاماتى جۇمىس ىستەيدى: ولاردىڭ تابىسى قانداي?
فوتو: gov.kz
ەڭبەك جانە حالىقتى الەۋمەتتىك قورعاۋ مينيسترلىگى قازاقستان اۋماعىندا 13 937 شەتەلدىك ازامات ەڭبەك ەتەتىنىن حابارلايدى, دەپ حابارلايدى Ulysmedia.kz.
ەڭبەك مينيسترلىگىنىڭ مالىمەتىنشە, قازاقستاندا 14 مىڭعا جۋىق شەتەلدىك جۇمىس ىستەيدى. قازاقستاندا شەتەلدىك جۇمىس كۇشىن تارتۋعا رۇقساتى بار 1789 كومپانيا تىركەلگەن. بۇل كومپانيالاردىڭ جۇمىسشىلارىنىڭ ءبىر پايىزىنان ازى – شەتەلدىكتەر.
شەتەلدىكتەردىڭ كوپشىلىگى قۇرىلىس سالاسىندا جۇمىس ىستەيدى (4 403 ادام). ەكىنشى ورىندا – اۋىل, ورمان جانە بالىق شارۋاشىلىعى (1817 ادام).
سونداي-اق, شەتەلدىكتەر تاۋ-كەن ونەركاسىبىندە جانە كارەرلەردى قازۋدا, وڭدەۋ ونەركاسىبىندە ەڭبەك ەتەدى. عىلىمي جانە تەحنيكالىق قىزمەتپەن اينالىسادى.
ولار قايدان كەلەدى?
ەڭبەك ميگرانتتارىنىڭ نەگىزگى ەلدەرى: قىتاي (3 938) ادام, ءۇندىستان (1 145) ادام, تۇركيا (1 101 ادام), وزبەكستان (1 919 ادام).
ەسكە سالا كەتەيىك, بۇعان دەيىن قازاقستاندا ءۇش مىڭنان استام شەتەلدىكتىڭ باسشىلىق لاۋازىمدار اتقاراتىنى حابارلانعان بولاتىن.
سونداي-اق, قازاقستاندا تۇراقتى تۇرۋعا رۇقسات قانداي شەتەلدىك ماماندارعا قولجەتىمدى ەكەنى بەلگىلى بولدى.
