Qarjy jáne tólemder
Qazaqstanda sheteldiń 14 myńǵa jýyq azamaty jumys isteıdi: olardyń tabysy qandaı?
Foto: gov.kz
Eńbek jáne halyqty áleýmettik qorǵaý mınıstrligi Qazaqstan aýmaǵynda 13 937 sheteldik azamat eńbek etetinin habarlaıdy, dep habarlaıdy Ulysmedia.kz.
Eńbek mınıstrliginiń málimetinshe, Qazaqstanda 14 myńǵa jýyq sheteldik jumys isteıdi. Qazaqstanda sheteldik jumys kúshin tartýǵa ruqsaty bar 1789 kompanııa tirkelgen. Bul kompanııalardyń jumysshylarynyń bir paıyzynan azy – sheteldikter.
Sheteldikterdiń kópshiligi qurylys salasynda jumys isteıdi (4 403 adam). Ekinshi orynda – aýyl, orman jáne balyq sharýashylyǵy (1817 adam).
Sondaı-aq, sheteldikter taý-ken ónerkásibinde jáne karerlerdi qazýda, óńdeý ónerkásibinde eńbek etedi. Ǵylymı jáne tehnıkalyq qyzmetpen aınalysady.
Olar qaıdan keledi?
Eńbek mıgranttarynyń negizgi elderi: Qytaı (3 938) adam, Úndistan (1 145) adam, Túrkııa (1 101 adam), О́zbekstan (1 919 adam).
Eske sala keteıik, buǵan deıin Qazaqstanda úsh myńnan astam sheteldiktiń basshylyq laýazymdar atqaratyny habarlanǵan bolatyn.
Sondaı-aq, Qazaqstanda turaqty turýǵa ruqsat qandaı sheteldik mamandarǵa qoljetimdi ekeni belgili boldy.
