قازاقستاندا سوت شەشىمىن جاساندى ينتەللەكت شىعاراتىن بولدى

فوتو: اشىق دەرەككوز

ەلىمىزدە جول اپاتىنا قاتىستى سوت شەشىمىن جاساندى ينتەلەكت شىعاراتىن بولادى. بۇل تۋرالى qandastar.kz “ينفورمبيۋرو” جاڭالىقتار قىزمەتىنە سىلتەمە جاساپ حابارلايدى.

وسىلايشا اكىمشىلىك ىستەر 10 مينۋتتىڭ ىشىندە قارالىپ سۋديالاردىڭ جۇمىسى جەڭىلدەمەك. پيلوتتىق جوبانى جوعارى سوتتىڭ وكىلدەرى ەنگىزدى.

ء“ىس سوتقا جىبەرىلگەننەن كەيىن بارلىق ءىس-ارەكەتتەر سۋديالاردىڭ جانە سوت قىزمەتكەرلەرىنىڭ كوپ ۋاقىتىن الاتىن. سول سەبەپتەن سوت جۇيەسىنە روبوتتاندىرۋدى ەنگىزدىك. جاساندى ينتەللەكت اقبك-ءنىڭ 610-بابىنا سايكەس جۇرگىزۋشىلەردىڭ جول قوزعالىسى ەرەجەلەرىن بۇزۋدى قاراستىرادى. اكىمشىلىك ءىس 3 كۇننىڭ ورنىنا 10 مينۋتتىڭ ىشىندە تەز وڭدەلەدى جانە سوت اكتىسى بىردەن كۇشىنە ەنەدى”, – دەپ مالىمدەدى جوعارعى سوتتىڭ ءباسپاسوز قىزمەتى.

بۇرىن مۇنداي اكىمشىلىك ىستەر 10 كۇن ىشىندە قارالعان. بۇل جاڭاشىلدىق جول كولىك وقيعاسىنىڭ كوبەيۋىنە بايلانىستى ىسكە قوسىلعان. ماسەلەن, وتكەن جىلى 129 مىڭ, سوڭعى التى ايدا 83 مىڭ ماتەريال سوتقا كەلىپ تۇسكەن. جوعارعى سوتتىڭ وكىلدەرى تسيفرلاندىرۋدىڭ بۇل قادامى سۋديالاردىڭ, سوت قىزمەتكەرلەرىنىڭ ۋاقىتىن ۇنەمدەۋگە باعىتتالعان دەيدى.

جاساندى ينتەللەكت وسى ايدان باستاپ  ءبىر جارىم مىڭنان استام ءىستى, جىلىنا 100 مىڭنان استام ءىستى قامتيدى دەپ كۇتىلۋدە.

“جاساندى ينتەللەكت قاتە شەشىم شىعارۋى مۇمكىن, سول ءۇشىن سەنىم ارتۋعا بولمايدى”, “قانداي جاعداي ەكەنىنە قاراۋ كەرەك. ءبىر جاقتى بولسا وندا دۇرىس شەشىم قابىلدايدى”, – دەپ پىكىر ءبىلدىردى تۇرعىندار.

ەسكە سالساق, روبوت دارىگەر العاش رەت ادامنىڭ ءتىسىن ەمدەگەنى تۋرالى جازعانبىز.