Qazaqstanda sot sheshimin jasandy ıntellekt shyǵaratyn boldy

Foto: Ashyq derekkóz

Elimizde jol apatyna qatysty sot sheshimin jasandy ıntelekt shyǵaratyn bolady. Bul týraly qandastar.kz “Informbıýro” jańalyqtar qyzmetine silteme jasap habarlaıdy.

Osylaısha ákimshilik ister 10 mınýttyń ishinde qaralyp sýdıalardyń jumysy jeńildemek. Pılottyq jobany Joǵary sottyń ókilderi engizdi.

“Is sotqa jiberilgennen keıin barlyq is-áreketter sýdıalardyń jáne sot qyzmetkerleriniń kóp ýaqytyn alatyn. Sol sebepten sot júıesine robottandyrýdy engizdik. Jasandy ıntellekt ÁQBK-niń 610-babyna sáıkes júrgizýshilerdiń jol qozǵalysy erejelerin buzýdy qarastyrady. Ákimshilik is 3 kúnniń ornyna 10 mınýttyń ishinde tez óńdeledi jáne sot aktisi birden kúshine enedi”, – dep málimdedi joǵarǵy sottyń baspasóz qyzmeti.

Buryn mundaı ákimshilik ister 10 kún ishinde qaralǵan. Bul jańashyldyq jol kólik oqıǵasynyń kóbeıýine baılanysty iske qosylǵan. Máselen, ótken jyly 129 myń, sońǵy alty aıda 83 myń materıal sotqa kelip túsken. Joǵarǵy sottyń ókilderi ıfrlandyrýdyń bul qadamy sýdıalardyń, sot qyzmetkerleriniń ýaqytyn únemdeýge baǵyttalǵan deıdi.

Jasandy ıntellekt osy aıdan bastap  bir jarym myńnan astam isti, jylyna 100 myńnan astam isti qamtıdy dep kútilýde.

“Jasandy ıntellekt qate sheshim shyǵarýy múmkin, sol úshin senim artýǵa bolmaıdy”, “Qandaı jaǵdaı ekenine qaraý kerek. Bir jaqty bolsa onda durys sheshim qabyldaıdy”, – dep pikir bildirdi turǵyndar.

Eske salsaq, Robot dáriger alǵash ret adamnyń tisin emdegeni týraly jazǵanbyz.