قازاقستاندا سوتتالعاندار تەراكت ۇيىمداستىرماق بولدى

قازاقستاننىڭ بىرنەشە وڭىرىندەگى قىلمىستىق-اتقارۋ جۇيەسى (قاج) مەكەمەلەرىندە راديكالدى ءدىني يدەولوگيانى ۇستانۋشىلاردىڭ ارەكەتى توقتاتىلدى, دەپ حابارلايدى  qandastar.kz Orda.kz-كە سىلتەمە جاساپ.

ۇلتتىق قاۋىپسىزدىك كوميتەتىنىڭ ءباسپاسوز قىزمەتىنىڭ حابارلاۋىنشا, كۇدىكتىلەردىڭ ءبىرى قاماۋدا وتىرىپ تەراكتى ۇيىمداستىرۋعا دايىندالعان, ال باسقالارى تەرروريزمدى ناسيحاتتاۋ جانە تەرروريستىك ارەكەتتەردى ۇيىمداستىرۋ ماقساتىندا ادامداردى تارتۋعا قاتىسقان.

«2024 جىلعى 22 قاراشادا ۇلتتىق قاۋىپسىزدىك كوميتەتى ىشكى ىستەر مينيسترلىگىمەن جانە الماتى وبلىسى پروكۋراتۋراسىنىڭ ۇيلەستىرۋىمەن الماتى, قوستاناي جانە جەتىسۋ وبلىستارىنداعى قىلمىستىق-اتقارۋ جۇيەسى مەكەمەلەرىندە راديكالدى ءدىني يدەولوگيا ۇستانعان 10 ادامنىڭ ارەكەتىن توقتاتتى» دەلىنگەن حابارلامادا.

ءتىنتۋ بارىسىندا جازاسىن وتەپ جاتقان ادامداردان سۋىق قارۋ, سمارتفوندار جانە باسقا دا دالەلدەر تاركىلەندى.