Qazaqstanda sottalǵandar terakt uıymdastyrmaq boldy

Qazaqstannyń birneshe óńirindegi qylmystyq-atqarý júıesi (QAJ) mekemelerinde radıkaldy dinı ıdeologııany ustanýshylardyń áreketi toqtatyldy, dep habarlaıdy  qandastar.kz Orda.kz-ke silteme jasap.

Ulttyq qaýipsizdik komıtetiniń baspasóz qyzmetiniń habarlaýynsha, kúdiktilerdiń biri qamaýda otyryp terakti uıymdastyrýǵa daıyndalǵan, al basqalary terrorızmdi nasıhattaý jáne terrorıstik áreketterdi uıymdastyrý maqsatynda adamdardy tartýǵa qatysqan.

«2024 jylǵy 22 qarashada Ulttyq qaýipsizdik komıteti Ishki ister mınıstrligimen jáne Almaty oblysy prokýratýrasynyń úılestirýimen Almaty, Qostanaı jáne Jetisý oblystaryndaǵy qylmystyq-atqarý júıesi mekemelerinde radıkaldy dinı ıdeologııa ustanǵan 10 adamnyń áreketin toqtatty» delingen habarlamada.

Tintý barysynda jazasyn ótep jatqan adamdardan sýyq qarý, smartfondar jáne basqa da dálelder tárkilendi.