قازاقستاندا سىنىپ جەتەكشىلەرىنىڭ جالاقىسى ءۇش ەسە كوبەيۋى مۇمكىن: مينيستر جاۋاپ بەردى

مەكتەپتەردەگى سىنىپ جەتەكشىلەرىنىڭ جالاقىسى ءۇش ەسە كوبەيۋى مۇمكىن. بۇعان قاتىستى وقۋ-اعارتۋ ءمينيسترى عاني بەيسەمباەۆ جاۋاپ بەردى, دەپ حابارلايدى Qandastar.kz  Qaz365.kz سايتىنا سىلتەمە جاساپ.

«سىنىپ جەتەكشىلەرىنىڭ ۇستەماقىسى – بۇل قارجىلىق ماسەلە. سوندىقتان تالقىلاۋدا. بۇل تەك مينيسترلىكتىڭ قۇزىرىندا ەمەس. ەكونوميكا, قارجى مينيسترلىكتەرىمەن بىرلەسىپ شەشىلۋى ءتيىس. وسىعان مۇددەلى مەملەكەتتىك ورگانداردىڭ ارالاسۋىمەن شەشىلەدى. ءبىز ءوز تاراپىمىزدان بارلىق ەسەپتەۋلەردى بولدىق. وسى جولى بولماۋى مۇمكىن. كەلەسى جىلى ىقتيمال», – دەيدى عاني بەيسەمباەۆ.

بۇعان دەيىن مينيستر سىنىپ جەتەكشىسىنە تولەيتىن قارجىنى كوتەرۋ كەرەكتىگىن ايتقان. ونىڭ ايتۋىنشا, بۇگىندە اتالمىش قىزمەت ءۇشىن 8 مىڭ تەڭگە تولەنەتىن بولسا,ونى 30 مىڭعا دەيىن جەتكىزۋ كەرەك.