جاڭالىقتار
قازاقستاندا تاعى ءبىر بالا كوكجوتەلدەن كوز جۇمدى
فوتو: shutterstock.com
قازاقستاندا تاعى ءبىر بالا كوكجوتەلدەن قايتىس بولدى, دەپ حابارلايدى Qandastar.kz. قاۋىپتى ينفەكتسيادان بولعان ەكىنشى ءولىم-ءجىتىم تۋرالى باس سانيتارلىق دارىگەر ايجان ەسماعامبەتوۆا ايتىپ بەردى.
«بىزدە اعىمداعى جىلى . قاراعاندى وبلىسى مەن ۇلىتاۋ وبلىسىندا كوكجوتەلدەن ءولىمنىڭ ەكى جاعدايى تىركەلدى. ەكەۋى دە ۆاكتسيناتسيالانباعان. ەكىنشى بالا ەگۋ جاسىنا جەتكەن جوق», – دەدى قازاقستاننىڭ باس مەملەكەتتىك سانيتارلىق دارىگەرى.
دارىگەرلەر كوكجوتەلدىڭ وتە قاۋىپتى ينفەكتسيا ەكەنىن, ونىڭ ءولىم – ءجىتىمى وتە جوعارى ەكەنىن ايتادى: 10 ناۋقاستىڭ تورتەۋى ءولۋى مۇمكىن. قازىر قازاقستاندا اي سايىن كوكجوتەلدى جۇقتىرۋدىڭ 350-دەن 400-گە دەيىن جاعدايى تىركەلەدى, دەپ حابارلادى ەسماعامبەتوۆا.
ناۋقاستاردىڭ شامامەن 90 پايىزى ۆاكتسيناتسيالانباعان. دەنساۋلىق ساقتاۋ مينيسترلىگى يممۋنداۋدان باس تارتپاۋعا شاقىرادى. ەلدىڭ باس سانيتارلىق دارىگەرى فرانتسۋزدىق كوكجوتەلگە قارسى ۆاكتسينا ءوزىنىڭ تيىمدىلىگىن دالەلدەدى دەپ سەندىرەدى.
