قازاقستاندا تاعى ءبىر كاسىبي مەرەكە بەكىتىلمەك

فوتو: ahps.kz

ەڭبەك جانە حالىقتى الەۋمەتتىك قورعاۋ ۆيتسە-ءمينيسترى اسقار بياحمەتوۆ ۇكىمەت وتىرسىنان كەيىن وتكەن بريفينگتە ەلىمىزدە تاعى ءبىر كاسىبي مەرەكە بەكىتىلۋى مۇمكىن ەكەنىن ايتتى, دەپ جازادى qandastar.kz

بۇل تۋرالى Stan.kz اقپارات اگەنتتىگى حابارلايدى.

بۇعان دەيىن پرەمەر-ءمينيستردىڭ ورىنباسارى ەرمەك كوشەرباەۆ ۇكىمەتكە ازاماتتار مەن كاسىبي قاۋىمداستىقتاردان بەلگىلى ءبىر كۇندەردى مەملەكەتتىك نەمەسە كاسىبي مەرەكەلەر دەپ تانۋ تۋرالى وتىنىشتەر كوپتەپ تۇسەتىنىن مالىمدەگەن ەدى. وسىعان بايلانىستى باق وكىلدەرى ەڭبەك مينيسترلىگى وكىلىنەن رەسمي تۇردە ەنەرگەتيك كۇنى بەكىتىلۋى مۇمكىن بە ەكەنىن سۇرادى.

«بۇگىندە ەنەرگەتيك كۇنى بويىنشا ماسەلە بۇيرىقتى بەكىتۋگە كەلىپ تىرەلىپ تۇر. جوبا ادىلەت مينيسترلىگىندە. ەگەر جاقىن ارادا كەلىسسەك, كۇنىن – 22 جەلتوقساندى بەكىتەمىز», – دەدى ۆيتسە-مينيستر.

سونداي-اق بريفينگ كەزىندە 31 جەلتوقساندى دەمالىس كۇنى رەتىندە جاريالاۋ جونىندە سۇراق قويىلدى. اسقار بياحمەتوۆ ۇكىمەتتە مۇنداي ماسەلە قارالىپ جاتپاعانىن ايتتى.

ايتا كەتەيىك, ەڭبەك جانە حالىقتى الەۋمەتتىك قورعاۋ مينيسترلىگىنىڭ وكىلى  شالقار ورازبەكوۆ نە سەبەپتى 31 جەلتوقسان دەمالىس كۇنى رەتىندە بەكىتىلمەيتىنىن ءتۇسىندىردى. ونىڭ ايتۋىنشا, 31 جەلتوقساندا الەمنىڭ بارلىق ەلىندە جۇمىس كۇنى بولسا, دەمالىس 1-2 قاڭتارعا بەلگىلەنگەن. سوندىقتان 31 جەلتوقساندى مەرەكە كۇنى رەتىندە جاريالاۋ ماسەلەسى قاراستىرىلماعان.