قازاقستاندا تاعى ءبىر وبلىس جاڭا جۇمىس كەستەسىنە كوشپەك

فوتو: gov.kz

اقتوبە وبلىسىندا مەملەكەتتىك قىزمەتكەرلەر جاڭا جۇمىس كەستەسىنە كوشپەك, دەپ جازدى qandastar.kz

بۇل تۋرالى Stan.kz اقپارات اگەنتتىگى حابارلايدى.

2025 جىلدىڭ 21 ساۋىرىنەن باستاپ اقتوبە وبلىسىندا مەملەكەتتىك قىزمەتكەرلەر جۇمىس كۇنىن جارتى ساعاتقا ەرتەرەك باستايدى. جاڭا جۇمىس كەستەسىنە سايكەس, جۇمىس ۋاقىتى 08:30-دا باستالىپ, 17:30-دا اياقتالادى. تيىستى بۇيرىققا وبلىس اكىمى اسحات شاحاروۆ قول قويعان.

«اكىمنىڭ بۇيرىعىنا سايكەس, وبلىس اكىمىنىڭ اپپاراتى, وبلىستىق باسقارمالار جانە اقتوبە قالاسىنىڭ اكىمدىگى جاڭا جۇمىس تارتىبىنە كوشەتىنىن راستايمىز: جۇمىس ۋاقىتى 08:30-دان 17:30-عا دەيىن. تۇسكى ءۇزىلىس – 12:30-دان 13:30-عا دەيىن», – دەلىنگەن حابارلامادا.

رەسمي حابارلامادا جۇمىس كەستەسىن وزگەرتۋ تۋرالى شەشىم ۇجىمدىق تۇردە قابىلدانعانى ايتىلعان. ىشكى ساۋالناما ناتيجەسىندە بۇل باستامانى مەملەكەتتىك قىزمەتكەرلەردىڭ 70%-دان استامى قولداعان.

«قىزمەتكەرلەر جۇمىس كۇنىنىڭ ەرتە باستالىپ, ەرتە اياقتالۋىن قولايلى دەپ باعالادى. بۇل وزگەرىستەر مەملەكەتتىك ورگانداردىڭ جۇمىس تيىمدىلىگىن ارتتىرۋعا جانە حالىققا كورسەتىلەتىن قىزمەت ساپاسىن جاقسارتۋعا باعىتتالعان», – دەدى وبلىس اكىمى اپپاراتىنىڭ ءباسپاسوز حاتشىسى گۇلباعدا كوبەەۆا.

ەسكە سالايىق, بۇعان دەيىن شىعىس قازاقستان وبلىسى تۇگەلدەي «بۇرىنعى ۋاقىت بەلدەۋىنە» اۋىسقانى تۋرالى جازعان ەدىك