Qazaqstanda taǵy bir oblys jańa jumys kestesine kóshpek

Foto: gov.kz

Aqtóbe oblysynda memlekettik qyzmetkerler jańa jumys kestesine kóshpek, dep jazdy qandastar.kz

Bul týraly Stan.kz aqparat agenttigi habarlaıdy.

2025 jyldyń 21 sáýirinen bastap Aqtóbe oblysynda memlekettik qyzmetkerler jumys kúnin jarty saǵatqa erterek bastaıdy. Jańa jumys kestesine sáıkes, jumys ýaqyty 08:30-da bastalyp, 17:30-da aıaqtalady. Tıisti buıryqqa oblys ákimi Ashat Shaharov qol qoıǵan.

«Ákimniń buıryǵyna sáıkes, oblys ákiminiń apparaty, oblystyq basqarmalar jáne Aqtóbe qalasynyń ákimdigi jańa jumys tártibine kóshetinin rastaımyz: jumys ýaqyty 08:30-dan 17:30-ǵa deıin. Túski úzilis – 12:30-dan 13:30-ǵa deıin», – delingen habarlamada.

Resmı habarlamada jumys kestesin ózgertý týraly sheshim ujymdyq túrde qabyldanǵany aıtylǵan. Ishki saýalnama nátıjesinde bul bastamany memlekettik qyzmetkerlerdiń 70%-dan astamy qoldaǵan.

«Qyzmetkerler jumys kúniniń erte bastalyp, erte aıaqtalýyn qolaıly dep baǵalady. Bul ózgerister memlekettik organdardyń jumys tıimdiligin arttyrýǵa jáne halyqqa kórsetiletin qyzmet sapasyn jaqsartýǵa baǵyttalǵan», – dedi oblys ákimi apparatynyń baspasóz hatshysy Gúlbaǵda Kóbeeva.

Eske salaıyq, buǵan deıin Shyǵys Qazaqstan oblysy túgeldeı «burynǵy ýaqyt beldeýine» aýysqany týraly jazǵan edik