قازاقستاندا تاعى ءبىر جاڭا بانك پايدا بولدى

فوتو: triptonkosti

KMF ميكروقارجى ۇيىمى بانكتىك ليتسەنزياعا يە بولدى,دەپ حابارلايدى qandastar.kz  Dalanews.kz-كە سىلتەمە جاساپ.

جاڭا بانك «KMF بانك» اق اتاۋىنا يە. ول جەكە تۇلعالارعا, ءوزىن-ءوزى جۇمىسپەن قامتۋشىلارعا جانە كاسىپكەرلەرگە قىزمەت كورسەتۋگە باسا نازار اۋدارادى. بانكتىڭ باس كەڭسەسى الماتىدا ورنالاسقان. وسىلايشا KMF قازاقستانداعى 23-ءشى بانك بولادى.

بۇعان دەيىن ءتورت ميكروقارجى ۇيىمدارى بانككە اينالۋعا نيەت بىلدىرگەن بولاتىن: BNK Finance Kazakhstan, «ونلاين قازقارجى» (Solva برەندىمەن), KMF جانە «بەرەكە». ولاردىڭ بارلىعى قازىردىڭ وزىندە جشس–دان اق-عا ءوتىپ ۇلگەرگەن. BNK Finance Kazakhstan مقۇ 2025 جىلعى ماۋسىمدا بانك بولدى.

KMF قارجى ەسەبىنە سايكەس, كومپانيانىڭ جارعىلىق كاپيتالىنداعى ۇلەستىڭ 60,435%-ى كورپوراتيۆتى مەنشىك — «KMF-دەمەۋ» قورىنا, 16,627% MultiConcept Fund Management S. A-عا, 9,585%  Legal Owner Triodos Funds B. V-عا, 7,085% — Triodos SICAV II, 6,226% باسشىلىققا جانە كومپانيا قىزمەتكەرلەرىنە, 0,042% — responsAbility SICAV (Lux) كومپانياسىنا تيەسىلى. سوڭعى كومپانيانىڭ باقىلاۋشىسى — اقش-تا تىركەلگەن ACDI / VOCA كوممەرتسيالىق ەمەس ۇيىمى. ول «KMF-دەمەۋ» كورپوراتيۆتىك قورىنىڭ جالعىز قۇرىلتايشىسى بولىپ تابىلادى. ميكروقارجىلىق ۇيىم 1997 جىلى USAID قولداۋىمەن قۇرىلدى جانە باستاپقىدا «قازاقستاندىق قاۋىمداستىقتاردى كرەديتتەۋ قورى» دەگەن اتاۋعا يە ەدى. كەيىنىرەك ونىڭ اتى KMF مقۇ بولىپ وزگەرتىلدى.