Qazaqstanda taǵy bir jańa bank paıda boldy

Foto: triptonkosti

KMF mıkroqarjy uıymy banktik lıenzııaǵa ıe boldy,dep habarlaıdy qandastar.kz  Dalanews.kz-ke silteme jasap.

Jańa bank «KMF Bank» AQ ataýyna ıe. Ol jeke tulǵalarǵa, ózin-ózi jumyspen qamtýshylarǵa jáne kásipkerlerge qyzmet kórsetýge basa nazar aýdarady. Banktiń bas keńsesi Almatyda ornalasqan. Osylaısha KMF Qazaqstandaǵy 23-shi bank bolady.

Buǵan deıin tórt mıkroqarjy uıymdary bankke aınalýǵa nıet bildirgen bolatyn: BNK Finance Kazakhstan, «Onlaın QazQarjy» (Solva brendimen), KMF jáne «Bereke». Olardyń barlyǵy qazirdiń ózinde JShS–dan AQ-ǵa ótip úlgergen. BNK Finance Kazakhstan MQU 2025 jylǵy maýsymda bank boldy.

KMF qarjy esebine sáıkes, kompanııanyń jarǵylyq kapıtalyndaǵy úlestiń 60,435%-y korporatıvti menshik — «KMF-Demeý» qoryna, 16,627% MultiConcept Fund Management S. A-ǵa, 9,585%  Legal Owner Triodos Funds B. V-ǵa, 7,085% — Triodos SICAV II, 6,226% basshylyqqa jáne kompanııa qyzmetkerlerine, 0,042% — responsAbility SICAV (Lux) kompanııasyna tıesili. Sońǵy kompanııanyń baqylaýshysy — AQSh-ta tirkelgen ACDI / VOCA kommerııalyq emes uıymy. Ol «KMF-Demeý» korporatıvtik qorynyń jalǵyz quryltaıshysy bolyp tabylady. Mıkroqarjylyq uıym 1997 jyly USAID qoldaýymen quryldy jáne bastapqyda «Qazaqstandyq qaýymdastyqtardy kredıtteý qory» degen ataýǵa ıe edi. Keıinirek onyń aty KMF MQU bolyp ózgertildi.