Qazaqstanda taǵy da sarbaz qaıtys boldy

Foto:Qorǵanys mınıstrligi

Abaı oblysy Aıagózdegi áskerı bólimde 18 jastaǵy sarbaz Salamat Sabıtov kóz jumdy, dep habarlady qandastar.kz

Orda.kz basylymynyń aqparatynsha, ol naýryz aıynda Soltústik Qazaqstan oblysynan áskerge shaqyrylǵan. Ásker qatarynda nebári úsh apta ǵana bolyp, ant berip úlgermegen.

Marqumnyń týystarynyń aıtýynsha, Salamatty densaýlyǵyna baılanysty áskerge jibermkýi kerek bolǵan.

«Ol áskerı qyzmetke jaramsyz bolatyn. Qolymyzda anyqtama da boldy. Salamattyń omyrtqasy aýyrdy, kórý qabiletinde de másele boldy. Soǵan qaramastan, ony tank bólimshesine jiberdi. Bir apta aýrýhanada jatty. Jaǵdaıy nasharlaǵan soń, bizdi shaqyrtty», – deıdi marqumnyń týystary.

Qazirgi tańda ata-anasy Aıagózde. Aldyn ala málimet boıynsha, Salamattyń ólimine menıngıtten paıda bolǵan irińdi mı qabynýy sebep bolǵan.

Qorǵanys mınıstrligi Salamat Sabıtovtyń qazasyn rastady jáne keıinirek túsinikteme beretinin málim etti.