قازاقستاندا تاعى ءۇش اۆتوجول اقىلى بولادى

فوتو: inbusiness.kz

رەسپۋبليكالىق ماڭىزى بار ءۇش جول قازاقستاندا اقىلى بولعىسى كەلەدى, دەپ حابارلايدى NUR.KZ كولىك مينيسترلىگىنە سىلتەمە جاساي وتىرىپ.

ءبىز اقتوبە مەن قوستانايدان رەسەيگە جانە قىزىلوردان ارالعا دەيىنگى تراسسالار تۋرالى ايتىپ وتىرمىز. قر كولىك مينيسترلىگىنىڭ اۆتوموبيل جولدارى كوميتەتى ءوز سايتىندا رەسپۋبليكالىق ماڭىزى بار جالپىعا ورتاق پايدالانىلاتىن اۆتوموبيل جولدارىن اقىلى نەگىزدە پايدالانۋ تۋرالى بۇيرىقتاردىڭ جوبالارى كەلەسى باعىتتار ءۇشىن ازىرلەنگەنى تۋرالى اقپاراتتى جاريالادى: اقتوبە – رەسەي فەدەراتسياسىنىڭ شەكاراسى (ورىنبورعا); قىزىلوردا – ارال; قوستاناي – رەسەي فەدەراتسياسىنىڭ شەكاراسى (ترويتسككە).

«جوبالار قر-نىڭ 2030 جىلعا دەيىنگى كولىكتىك-لوگيستيكالىق الەۋەتىن دامىتۋ تۇجىرىمداماسىنا سايكەس ازىرلەندى. جوبانى قابىلداۋ قر كولىكتىك-لوگيستيكالىق الەۋەتىن پايدالانۋعا جانە اقىلىلىقتى دامىتۋعا مۇمكىندىك بەرەدى. وسىلايشا, وسى ۋچاسكەلەر بويىنشا جول ءجۇرۋ اقىسىن الۋدان الىنعان اقشا اۆتوموبيل جولدارىن جوندەۋگە جانە كۇتىپ-ۇستاۋعا, ولار بويىنشا قوزعالىستى ۇيىمداستىرۋعا جانە اقىلى اۆتوموبيل جولدارىن ۇستاۋ ءۇشىن قاجەتتى جول – پايدالانۋ تەحنيكاسىن ساتىپ الۋعا باعىتتالاتىن بولادى», – دەلىنگەن جوبانى تالقىلاۋعا ارنالعان حابارلاندىرۋدا.