قازاقستاندا ترانسۇلتتىق قىلمىستىق توپ التىن وندىرگەن

فوتو: اشىق دەرەككوز

قازاقستاندا التىن وندىرۋمەن اينالىسقان ترانسۇلتتىق قىلمىستىق توپقا قاتىستى ءىس اياقتالدى, – دەپ حابارلايدى qandastar.kz

«ترانسۇلتتىق ۇيىمداسقان قىلمىستىق توپ قۇردى دەگەن كۇدىكپەن 12 ادامعا – قازاقستان, ۋكراينا جانە رەسەي ازاماتتارىنا قاتىستى قىلمىستىق ءىس اياقتالدى», – دەلىنگەن باس كولىك پروكۋراتۋراسىنىڭ حابارلاماسىندا.

تەرگەۋ مالىمەتىنشە, قازاقستاندىقتار شەتەلدىكتەرمەن بىرلەسىپ, 2021-2023 جىلدار ارالىعىندا اقمولا وبلىسىندا زاڭسىز باعالى مەتالدار وندىرگەن. كەلتىرىلگەن شىعىننىڭ جالپى سوماسى 250 ميلليون تەڭگەدەن استى.

ولار «جەر قويناۋىن گەولوگيالىق زەرتتەۋ» ليتسەنزياسىن پايداعا جاراتقان. قازىر ءىس سوتقا جىبەرىلدى.