قازاقستاندا تۋعان ۆالەنتينا بۋسيك گەرمانيا ارۋى اتاندى

فوتو:Philipp von Ditfurth

دارىگەر ۆالەنتينا بۋسيك 2025 جىلعى گەرمانيا ارۋى اتاندى. گەرمانيالىقتار قازاقستاننىڭ تۋماسىنا داۋىس بەرگەن. ۆالەنتينا بۋسيك سۇلۋلىق بايقاۋىندا مەديتسيناعا جاساندى ينتەللەكتتى قالاي قوسۋ كەرەگىن كورسەتتى, دەپ حابارلايدى qandastar.kz نessenschau سايتىنا سىلتەمە جاساپ حابارلايدى. 

27 جاستاعى دەرماتولوگ ۆالەنتينا بۋسيك – قازاقستاننىڭ تۋماسى. 5 جاسىندا بۇيرەك اۋرۋىنا شالدىققاندىقتان, وتباسىمەن گەرمانياعا كوشىپ كەلگەن.

اراعا 22 جىل سالىپ, قىز گەرمانيانىڭ ارۋلار بايقاۋىنا قاتىسىپ, مەديتسيناداعى جاڭالىعىن ۇسىندى. ول جاساندى ينتەللەكتتىڭ كومەگىمەن مەديتسينالىق تەرمينولوگيانى تۇسىنىكتى ەتپەك. ارۋ مەديتسينا تەرميندەرىن 40 تىلگە اۋداراتىن قوسىمشا جاساپ شىعاردى.

سونىڭ ارقاسىندا بۋسيك جاڭا «گەرمانيا ارۋى» اتاندى. ول فرايبۋرگ ماڭىنداعى رۋست قالاسىندا ەۋروپا-پاركتە سەگىز ءفيناليستى جەڭدى.

گەرمانيادا سۇلۋلىق بايقاۋىنىڭ فورماتى وزگەرگەن. بۇرىنعىداي دەفيلە, بيكينيمەن پوديۋمدا ءجۇرۋ ەمەس, الەمدى وزگەرتكىسى كەلەتىن قىزدارعا كوبىرەك كوڭىل بولەدى. بۇل جولى ەكونوميكا جانە ەڭبەك نارىعىنداعى قىزدار جوعارى باعالاندى.

ۆالەنتينا بۋسيك گيسسەن قالاسىنىڭ اتىنان قاتىسىپتى.

«مەنىڭ ميسسيام — جاساندى ينتەللەكت كومەگىمەن گەرمانيانىڭ دەنساۋلىق ساقتاۋ جۇيەسىندە توڭكەرىس جاساۋ», – دەدى ول.