قازاقستاندا تۇرمىستىق زورلىق-زومبىلىق كورسەتەتىندەرگە پسيحوكوررەكتسيالىق ەم قولدانىلاتىن بولادى

فوتو: حالىق ءۇنى

دەنساۋلىق ساقتاۋ مينيسترلىگى ەلىمىزدە تۇرمىستىق زورلىق-زومبىلىق پەن قىلمىستىق نەمەسە اكىمشىلىك قۇقىق بۇزۋشىلىق جاساعان ادامدارعا پسيحولوگيالىق كومەك كورسەتۋ ەرەجەسىن بەكىتتى. بۇل تۋرالى Stan.kz اقپارات اگەنتتىگى حابارلايدى.

بۇيرىق 15 شىلدەدە كۇشىنە ەنبەك. مينيسترلىك زورلىق-زومبىلىق جاساعاندار مەن زاڭدى بۇزعاندار ءۇشىن ارنايى اببرەۆياتۋرانى ويلاپ تاپتى.

دەنساۋلىق ساقتاۋ مينيسترلىگىنىڭ 2024 جىلعى 29 ماۋسىمداعى № 48 بۇيرىعى بويىنشا قىلمىستىق-اتقارۋ جۇيەسى مەكەمەلەرىندەگى ااقق پسيحولوگيالىق كومەگى جازاسىن وتەۋ ورنى بويىنشا بەرىلەدى.

ال بوستاندىقتا جۇرگەندەر ەمحانالارداعى پسيحولوگتىڭ جەكە كابينەتىندە قابىلدانادى. ولارمەن ارنايى دايىندىقتان وتكەن پسيحولوگتار جۇمىس ىستەيدى. تۇرمىستىق زورلىق-زومبىلىق جاساعاندار ەم الۋعا مىندەتتەلەدى.

تەك ستاتسيونارلىق ەمدەۋدى نەمەسە جۇقپالى اۋرۋلارى بار ادامدار عانا بۇل ەمنەن باس تارتا الادى.

دەنساۋلىق ساقتاۋ مينيسترلىگىنىڭ بۇيرىعىندا وتباسىلىق دەبوشيرلەر مەن زورلىق-زومبىلىققا بەيىم ادامدارعا پسيحولوگيالىق كومەك نە ءۇشىن باعىتتالاتىنى سيپاتتالعان:

«زورلىق-زومبىلىقپەن دەسترۋكتيۆتى مىنەز-ق ۇلىقتىڭ سەبەپتەرىن ءتۇسىنۋ, مىنەز-ق ۇلىقتى وزگەرتۋگە موتيۆاتسيانى قالىپتاستىرۋ, وزدەرى مەن اينالاسىنداعىلار ءۇشىن اكىمشىلىك, الەۋمەتتىك جانە ەكونوميكالىق سالداردى ءتۇسىنۋ. دەسترۋكتيۆتى مىنەز-ق ۇلىقتى پسيحولوگيالىق تۇزەتۋ پسيحولوگيالىق اسەردىڭ ارنايى قۇرالدارىنىڭ كومەگىمەن پسيحولوگيانىڭ نەمەسە ادامنىڭ مىنەز-قۇلقىنىڭ كەمشىلىكتەرىن تۇزەتۋگە باعىتتالعان. سترەسستى جەڭۋدىڭ پسيحولوگيالىق ادىستەرىن ۇيرەتۋ جانە ەموتسيونالدى باقىلاۋ داعدىلارىن دامىتۋ, زورلىق-زومبىلىقتى بولدىرمايتىن ماسەلەلەر مەن جانجالداردى بالاما شەشۋ داعدىلارىن دامىتۋ», – دەلىنگەن حابارلامادا.

زورلىق-زومبىلىققا بەيىم ادامدارعا پسيحولوگيالىق كومەك جەكە نەمەسە توپتىق بولىپ بولىنەدى. دەنساۋلىق ساقتاۋ مينيسترلىگىنىڭ بۇيرىعىمەن “ساۋپن” پسيحوكوررەكتسياسى ءۇش دەڭگەيدەن تۇرادى:

1. ورناتۋ – اينالامەن بايلانىسۋعا ۇمتىلىستى ىنتالاندىرۋ, مازاسىزدىقتى جەڭىلدەتۋ, وزىنە دەگەن سەنىمدىلىكتى ارتتىرىپ, پسيحولوگپەن ىنتىماقتاستىققا دەگەن ۇمتىلىستى قالىپتاستىرۋ جانە ءومىرىن جاقسى جاققا وزگەرتۋ.
2. تۇزەتۋ – جەكە تۇلعانى ۇيلەستىرۋ جانە وڭتايلاندىرۋ, قوعاممەن جانە وزىمەن ءوزارا ارەكەتتەسۋدىڭ جاڭا (زورلىق-زومبىلىقسىز) تاسىلدەرىن يگەرۋ, پسيحولوگيالىق ماسەلەلەردى شەشۋ.
3. تۇزەتۋ اسەرلەرىنىڭ تيىمدىلىگىن باعالاۋ – پسيحولوگيالىق جاعداي ديناميكاسىنىڭ تەستتەرى مەن باسقا ادىستەرىنىڭ كومەگىمەن كقرۋ. مىنەز-ق ۇلىق كوزقاراستارىنىڭ, رەاكتسيالار مەن تاجىريبەلەردىڭ وڭ (زورلىق-زومبىلىقسىز) قالىپتاسۋىن باعالاۋ, پسيحوەموتسيونالدى جاعدايدى تۇراقتاندىرۋ.

دەنساۋلىق ساقتاۋ مينيسترلىگىنىڭ بۇيرىعى قر ادىلەت مينيسترلىگىندە 2024 جىلعى 29 ماۋسىمدا تىركەلگەن. رەسمي جاريالانعان كۇنىنەن باستاپ 10 كۇن ىشىندە قولدانىسقا ەنگىزىلەدى.