«قازاقستاندا تىيىم سالىنعان كىتاپ تاركىلەندى»: شىمكەنتتە 22 ادامنان تۇراتىن راديكال-ەكسترەميستىك ۇيىم انىقتالدى

فوتو: almaty.tv

ۇلتتىق قاۋىپسىزدىك كوميتەتىنىڭ شىمكەنت قالاسى بويىنشا دەپارتامەنتى قالا پروكۋراتۋراسى بىرلەسىپ جەدەل-ىزدەستىرۋ ءىس-شارالارىن جۇرگىزۋ بارىسىندا 22 تۇلعادان تۇراتىن «حيزب-ۋت-تاحرير» راديكال-ەكسترەميستىك ۇيىمىن انىقتادى. بۇل تۋرالى Stan.kz اقپارات اگەنتتىگى حابارلايدى.

پروكۋراتۋرانىڭ مالىمەتىنشە, ولار بيىل رامازان ايىندا اۋىزاشار وتكىزەمىز دەگەن جەلەۋمەن راديكالدى ەكسترەميستىك ۇيىمنىڭ جەرگىلىكتى جاقتاستارىنىڭ سانىن كوبەيتۋ جانە ۇگىت-ناسيحات جۇرگىزۋ ءۇشىن ءدىني جيىندار وتكىزگەن.

ء“تىنتۋ بارىسىندا قازاقستاندا تىيىم سالىنعان 7 ءدىني كىتاپ, ءدىني مازمۇنداعى 10-نان استام قولجازبا جانە ماتىندىك پاراقشالار, 6 ۇيالى تەلەفون مەن 4 نوۋتبۋك تاركىلەندى. اتالعان دەرەك بويىنشا قىلمىستىق كودەكستىڭ 256-بابى 1-بولىگى (تەرروريزمدi ناسيحاتتاۋ نەمەسە تەرروريزم اكتiسiن جاساۋعا جاريا تۇردە شاقىرۋ, سول سياقتى كورسەتىلگەن مازمۇنداعى ماتەريالداردى تاراتۋ ماقساتىندا دايىنداۋ, ساقتاۋ نەمەسە تاراتۋ) جانە 259-بابى 1-بولىگىنە (تەرروريستiك نە ەكسترەميستiك ارەكەتتى ۇيىمداستىرۋ ماقساتىندا ادامداردى ازعىرىپ كوندىرۋ نەمەسە دايارلاۋ نە قارۋلاندىرۋ) سايكەس تەرگەپ-تەكسەرۋ امالدارى باستالدى”, – دەلىنگەن حابارلامادا.

پروكۋراتۋرا 201-باپتىڭ تالاپتارىنا ساي, باسقا اقپارات جاريالانبايتىنىن حابارلادى.