«Qazaqstanda tyıym salynǵan kitap tárkilendi»: Shymkentte 22 adamnan turatyn radıkal-ekstremıstik uıym anyqtaldy

Foto: almaty.tv

Ulttyq qaýipsizdik komıtetiniń Shymkent qalasy boıynsha departamenti qala prokýratýrasy birlesip jedel-izdestirý is-sharalaryn júrgizý barysynda 22 tulǵadan turatyn «Hızb-ýt-Tahrır» radıkal-ekstremıstik uıymyn anyqtady. Bul týraly Stan.kz aqparat agenttigi habarlaıdy.

Prokýratýranyń málimetinshe, olar bıyl Ramazan aıynda aýyzashar ótkizemiz degen jeleýmen radıkaldy ekstremıstik uıymnyń jergilikti jaqtastarynyń sanyn kóbeıtý jáne úgit-nasıhat júrgizý úshin dinı jıyndar ótkizgen.

“Tintý barysynda Qazaqstanda tyıym salynǵan 7 dinı kitap, dinı mazmundaǵy 10-nan astam qoljazba jáne mátindik paraqshalar, 6 uıaly telefon men 4 noýtbýk tárkilendi. Atalǵan derek boıynsha qylmystyq kodekstiń 256-baby 1-bóligi (Terrorızmdi nasıhattaý nemese terrorızm aktisin jasaýǵa jarııa túrde shaqyrý, sol sııaqty kórsetilgen mazmundaǵy materıaldardy taratý maqsatynda daıyndaý, saqtaý nemese taratý) jáne 259-baby 1-bóligine (Terrorıstik ne ekstremıstik áreketti uıymdastyrý maqsatynda adamdardy azǵyryp kóndirý nemese daıarlaý ne qarýlandyrý) sáıkes tergep-tekserý amaldary bastaldy”, – delingen habarlamada.

Prokýratýra 201-baptyń talaptaryna saı, basqa aqparat jarııalanbaıtynyn habarlady.