ءبىلىم
قازاقستاندا ۇبت وتكىزۋ ەرەجەسىنە وزگەرىستەر ەنگىزىلدى
فوتو: اشىق دەرەككوز
عىلىم جانە جوعارى ءبىلىم ءمينيسترىنىڭ 2024 جىلى 28 ماۋسىمداعى بۇيرىعىمەن ۇلتتىق بىرىڭعاي تەستىلەۋدى وتكىزۋ قاعيدالارىنا وزگەرىستەر مەن تولىقتىرۋلار ەنگىزىلدى. بۇل تۋرالى Stan.kz اقپارات اگەنتتىگى حابارلايدى.
قۇجاتتا شىعارماشىلىق دايىندىقتى تالاپ ەتەتىن ءبىلىم بەرۋ باعدارلامالارى توپتارىنىڭ تۇسۋشىلەرىن قوسپاعاندا, تۇلەكتەر قازاقستان تاريحى, ماتەماتيكالىق ساۋاتتىلىق, وقۋ ساۋاتتىلىعى (وقۋ ءتىلى) جانە ەكى بەيىندىك ءپان بويىنشا ۇلتتىق بىرىڭعاي تەستىلەۋدەن وتەتىنى بەلگىلەنگەن.
قىسقارتىلعان وقۋ مەرزىمدەرىن كوزدەيتىن ءبىلىم بەرۋ باعدارلامالارى توپتارى بويىنشا دايارلاۋدىڭ ۇقساس باعىتتارىنا تۇسۋشىلەردى قوسپاعاندا, قازاقستان ازاماتى سانالمايتىن ۇلتى قازاق ادامدار وقۋ ساۋاتتىلىعى (وقۋ ءتىلى) جانە ەكى بەيىندىك ءپان بويىنشا ۇبت تاپسىرادى.
شىعارماشىلىق دايىندىقتى تالاپ ەتەتىن ءبىلىم بەرۋ باعدارلامالارى توپتارىنا تۇسۋشىلەر قازاقستان تاريحى جانە وقۋ ساۋاتتىلىعى (وقۋ ءتىلى) بويىنشا ۇبت تاپسىرادى.
شىعارماشىلىق دايىندىقتى تالاپ ەتەتىن ءبىلىم بەرۋ باعدارلامالارى توپتارىنا ءتۇسۋشى قازاقستان ازاماتى سانالمايتىن ۇلتى قازاق ادامدار وقۋ ساۋاتتىلىعى (وقۋ ءتىلى) بويىنشا ۇبت تاپسىرادى.
شىعارماشىلىق دايارلىقتى تالاپ ەتەتىن ءبىلىم بەرۋ باعدارلامالارى توبىنا تۇسۋشىلەردى قوسپاعاندا, قىسقارتىلعان وقۋ مەرزىمدەرىن كوزدەيتىن ءبىلىم بەرۋ باعدارلامالارى بويىنشا دايارلاۋدىڭ ۇقساس باعىتتارىنا تۇسەتىن ادامدار, ونىڭ ىشىندە قازاقستان ازاماتى سانالمايتىن ۇلتى قازاق ادامدار ۇلتتىق بىرىڭعاي تەستىلەۋدى جالپى كاسىپتىك جانە ارنايى پاندەر بويىنشا تاپسىرادى.
شىعارماشىلىق دايىندىقتى تالاپ ەتەتىن, قىسقارتىلعان وقىتۋ مەرزىمدەرىن كوزدەيتىن ءبىلىم بەرۋ باعدارلامالارىنىڭ ۇقساس باعىتتارىنا وقۋعا ءتۇسۋشى ادامدار, ونىڭ ىشىندە قازاقستان ازاماتى سانالمايتىن ۇلتى قازاق ادامدار ءۇشىن ۇلتتىق بىرىڭعاي تەستىلەۋدى ارنايى ءپان بويىنشا وتكىزىلەدى.
«پەداگوگيكالىق عىلىمدار» ءبىلىم بەرۋ سالاسى بويىنشا ءبىلىم بەرۋ باعدارلامالارى توبىنا اۋىساتىنداردى قوسپاعاندا, شىعارماشىلىق دايىندىقتى تالاپ ەتەتىن ءبىلىم بەرۋ باعدارلامالارى توبى بويىنشا ءبىلىم الۋشى جانە باسقا ءبىلىم بەرۋ باعدارلامالارى توبىنا اۋىسۋعا نيەت بىلدىرگەن تۇلعالار ەكى بەيىندىك بويىنشا ۇلتتىق بىرىڭعاي تەستىلەۋدەن وتەدى.
شىعارماشىلىق دايىندىقتى تالاپ ەتەتىن ءبىلىم بەرۋ باعدارلامالارى توپتارىنان اۋىساتىنداردى قوسپاعاندا, باسقا ءبىلىم بەرۋ باعدارلامالارى توبى بويىنشا ءبىلىم الۋشى جانە «پەداگوگيكالىق عىلىمدار» ءبىلىم بەرۋ سالاسى بويىنشا ءبىلىم بەرۋ باعدارلامالارى توبىنا اۋىسۋعا نيەت بىلدىرگەن تۇلعالار قازاقستان تاريحى, ماتەماتيكالىق ساۋاتتىلىق, وقۋ ساۋاتتىلىعى (وقۋ ءتىلى) جانە ەكى بەيىندىك ءپان بويىنشا ۇبت تاپسىرادى.
قىسقارتىلعان وقىتۋ مەرزىمدەرىن كوزدەيتىن ءبىلىم بەرۋ باعدارلامالارىنىڭ ۇقساس باعىتتارىنا وقۋعا تۇسۋشىلەردى قوسپاعاندا, ورتا, تەحنيكالىق جانە كاسىپتىك نەمەسە ورتا بىلىمنەن كەيىنگى ءبىلىم بەرۋ ۇيىمدارىنىڭ بىتىرۋشىلەرى ءۇشىن ۇبت تەست تاپسىرمالارىنىڭ سانى:
- قازاقستان تاريحى بويىنشا – 20;
- ماتەماتيكالىق ساۋاتتىلىق بويىنشا – 10;
- وقۋ ساۋاتتىلىعى (وقۋ ءتىلى) بويىنشا – 10;
- ءبىرىنشى بەيىندىك ءپان بويىنشا – 40;
- ەكىنشى بەيىندىك ءپان بويىنشا – 40.
قىسقارتىلعان وقۋ مەرزىمدەرىن كوزدەيتىن ءبىلىم بەرۋ باعدارلامالارى توپتارى بويىنشا دايارلاۋدىڭ ۇقساس باعىتتارىنا تۇسەتىن ادامداردى قوسپاعاندا, قازاقستان ازاماتى ەمەس ۇلتى قازاق ادامدار ءۇشىن ۇبت تەست تاپسىرمالارىنىڭ سانى:
- وقۋ ساۋاتتىلىعى (وقۋ ءتىلى) بويىنشا – 10;
- ءبىرىنشى بەيىندىك ءپان بويىنشا – 40;
- ەكىنشى بەيىندىك ءپان بويىنشا – 40.
قىسقارتىلعان وقۋ مەرزىمدەرىن كوزدەيتىن ءبىلىم بەرۋ باعدارلامالارى توپتارى بويىنشا دايارلاۋدىڭ ۇقساس باعىتتارىنا تۇسەتىن ادامداردى قوسپاعاندا, شىعارماشىلىق دايارلىقتى تالاپ ەتەتىن ءبىلىم بەرۋ باعدارلامالارى توبىنا ءتۇسۋشى قازاقستان ازاماتى سانالمايتىن ۇلتى قازاق ادامدار ءۇشىن وقۋ ساۋاتتىلىعى (وقۋ ءتىلى) بويىنشا ۇبت تەست تاپسىرمالارىنىڭ سانى – 10.
ۇلتتىق بىرىڭعاي تەستىلەۋدىڭ بەيىندىك پاندەرى كورسەتىلگەن ءبىلىم بەرۋ باعدارلامالارى توپتارىنىڭ تىزبەسى وسى قاعيدالارعا 1-قوسىمشاعا سايكەس بەلگىلەنگەن.
شىعارماشىلىق دايىندىقتى تالاپ ەتەتىن ءبىلىم بەرۋ باعدارلامالارى توبى بويىنشا ءبىلىم الۋشى جانە باسقا ءبىلىم بەرۋ باعدارلامالارى توبىنا اقىلى نەگىزدە اۋىسۋعا نيەت بىلدىرگەن تۇلعالار ءۇشىن ۇلتتىق بىرىڭعاي تەستىلەۋدەگى تەست تاپسىرمالارىنىڭ سانى:
- ءبىرىنشى بەيىندىك ءپان بويىنشا – 40;
- ەكىنشى بەيىندىك ءپان بويىنشا – 40.
قازاق ءتىلىن ۆ1 (ورتا) دەڭگەيدەن تومەن ەمەس مەڭگەرگەنىن راستايتىن قازتەست سەرتيفيكاتى بار تۇلعالار قالاۋى بويىنشا ۇبت-نىڭ «قازاق ءتىلى» بەيىندىك پانىنەن نەمەسە ارنايى پانىنەن تەست تاپسىرۋدان بوساتىلادى جانە ۇلگىلىك قاعيدالاردىڭ 4-2 تارماعىنا جانە 2-2-قوسىمشاسىندا بەلگىلەنگەن بالداردى اۋىستىرۋ شكالاسىنا سايكەس ءبىلىم بەرۋ گرانتىن تاعايىنداۋ كونكۋرسىنا قاتىسا الادى جانە (نەمەسە) ججوكبۇ-عا اقىلى نەگىزدە وقۋعا قابىلدانا الادى.
«نازارباەۆ زياتكەرلىك مەكتەپتەرى» دەربەس ءبىلىم بەرۋ ۇيىمىنىڭ ءبىلىم بەرۋ باعدارلامالارى بويىنشا وقۋلارىن اياقتاعان بىتىرۋشىلەرگە ۇبت سەرتيفيكاتتارى ۇلگىلىك قاعيدالاردىڭ 4-3-تارماعىنا جانە «نازارباەۆ زياتكەرلىك مەكتەپتەرى» دەربەس ءبىلىم بەرۋ ۇيىمى بىتىرۋشىلەرىنىڭ وقۋداعى ناتيجەلەرىنىڭ سىرتتاي باعالاۋ بالدارىن ۇبت بالدارىنا اۋىستىرۋ شكالاسى 2-3-قوسىمشاعا سايكەس وقۋ ناتيجەلەرىنىڭ سىرتتاي باعالاۋ بالدارىن ۇبت-نىڭ بالدارىنا اۋىستىرۋ نەگىزىندە بەرىلەدى.
- ۇبت بويىنشا ەڭ جوعارى بالل – 140 بالل.
شىعارماشىلىق دايىندىقتى تالاپ ەتەتىن ءبىلىم بەرۋ باعدارلامالارى توبىنا تۇسەتىن تۇلعالار ءۇشىن ۇبت بويىنشا ەڭ جوعارى بالل – 130 بالل.
قىسقارتىلعان وقۋ مەرزىمدەرىن كوزدەيتىن ءبىلىم بەرۋ باعدارلامالارى توپتارى بويىنشا دايارلاۋدىڭ ۇقساس باعىتتارىنا تۇسەتىن ادامداردى قوسپاعاندا, شىعارماشىلىق دايارلىقتى تالاپ ەتەتىن ءبىلىم بەرۋ باعدارلامالارى توبىنا ءتۇسۋشى قازاقستان ازاماتى سانالمايتىن ۇلتى قازاق ادامدار ءۇشىن ۇلتتىق بىرىڭعاي تەستىلەۋ بويىنشا ەڭ جوعارى بالل –110 باللدى قۇرايدى.
شەكتەۋ ءىس-شارالارى جۇزەگە اسىرىلعان, ونىڭ ىشىندە كارانتين, توتەنشە جاعداي ەنگىزىلگەن, جاھاندىق نەمەسە وڭىرلىك, سونداي-اق جەرگىلىكتى اۋقىمداعى الەۋمەتتىك, تابيعي جانە تەحنوگەندىك سيپاتتاعى توتەنشە جاعدايلار (ودان ءارى — شەكتەۋ ءىس-شارالارى) تۋىنداعان كەزدە عىلىم جانە جوعارى ءبىلىم سالاسىنداعى ۋاكىلەتتى ورگان وتىنىشتەردى قابىلداۋ جانەۇلتتىق بىرىڭعاي تەستىلەۋ وتكىزۋ مەرزىمدەرىنە وزگەرىس ەنگىزەدى.
شەكتەۋ ءىس-شارالارى كەزىندە جۇرگىزىلگەن ۇلتتىق بىرىڭعاي تەستىلەۋدە تومەن ناتيجەلەر العان جاعدايدا رەسپۋبليكالىق بيۋدجەت نەمەسە جەرگىلىكتى بيۋدجەت قاراجاتى ەسەبىنەن جوعارى ءبىلىمنىڭ ءبىلىم بەرۋ گرانتىن تاعايىنداۋ كونكۋرسىندا ءتۇسۋشىنىڭ قالاۋى بويىنشا جۇرگىزىلگەن ۇبت-ءدىڭ ەڭ جاقسى ناتيجەسى ەسكەرىلەدى.
- ۇبت ۇزاقتىعى — 240 مينۋت (4 ساعات);
- تەستىلەۋدىڭ 60 مينۋتى وتكەننەن كەيىن جاتتىعۋلارعا ارنالعان 2 مينۋت كولەمىندە ءۇزىلىس جۇزەگە اسىرىلادى;
- 120 مينۋت تەستىلەۋ اياقتالعاننان كەيىن جاتتىعۋلارعا ارنالعان 3 مينۋت كولەمىندە ءۇزىلىس بەرىلەدى;
- 180 مينۋت تەستىلەۋ اياقتالعاننان كەيىن 3 مينۋت كولەمىندە ءۇزىلىس بەرىلەدى;
- شىعارماشىلىق دايىندىقتى تالاپ ەتەتىن ءبىلىم بەرۋ باعدارلامالارى توبىنا تۇسۋشىلەر ءۇشىن تەستىلەۋ ۇزاقتىعى – 70 مينۋت;
- قىسقارتىلعان وقۋ مەرزىمدەرىن كوزدەيتىن ءبىلىم بەرۋ باعدارلامالارى توپتارى بويىنشا دايارلاۋدىڭ ۇقساس باعىتتارىنا تۇسەتىن ادامداردى قوسپاعاندا, قازاقستان ازاماتى ەمەس ۇلتى قازاق ادامدار ءۇشىن تەستىلەۋدىڭ ۇزاقتىعى – 150 مينۋت (2 ساعات 30 مينۋت);
- شىعارماشىلىق دايارلىقتى تالاپ ەتەتىن ءبىلىم بەرۋ باعدارلامالارى توبىنا ءتۇسۋشى قازاقستان ازاماتى ەمەس ۇلتى قازاق ادامدار ءۇشىن تەستىلەۋدىڭ ۇزاقتىعى – 20 مينۋت;
- شىعارماشىلىق دايىندىقتى تالاپ ەتەتىن ءبىلىم بەرۋ باعدارلامالارى توبى بويىنشا ججوكبۇ – نىڭ ءبىلىم الۋشىلارى جانە باسقا ءبىلىم بەرۋ باعدارلامالارى توپتارىنا اۋىسقىسى كەلەتىندەر ءۇشىن تەستىلەۋ ۇزاقتىعى-130 مينۋت;
- قىسقارتىلعان وقىتۋ مەرزىمدەرىن كوزدەيتىن ءبىلىم بەرۋ باعدارلامالارى بويىنشا وقۋعا تۇسۋشىلەر ءۇشىن ۇبت-عا 120 مينۋت (2 ساعات) بولىنەدى;
- شىعارماشىلىق دايىندىقتى تالاپ ەتەتىن ءبىلىم بەرۋ باعدارلامالارى توبىنا قىسقارتىلعان وقىتۋ مەرزىمدەرىن كوزدەيتىن ءبىلىم بەرۋ باعدارلامالارى بويىنشا ۇقساس دايارلاۋ باعىتتارى بويىنشا تۇسۋشىلەر ءۇشىن – 80 مينۋت;
- مۇگەدەكتىگى بار بالالار جانە مۇگەدەكتىگى بار ادامدار (كورۋ, ەستۋ, تىرەك-قيمىل اپپاراتىنىڭ فۋنكتسيالارى بۇزىلعان) ءۇشىن تەستىلەۋگە قوسىمشا 40 مينۋت ۋاقىت بەرىلەدى.
ەلەكتروندىق فورماتتاعى ۇبت-نى وتكىزۋ بارىسىندا تۇسۋشىگە اكادەميالىق ادالدىق پرينتسيپتەرىن بۇزۋعا, ونىڭ ىشىندە:
- اۋديتوريادان (كومپيۋتەرلىك سىنىپتان) تەستىلەۋ اكىمشىسىنىڭ رۇقساتىنسىز 10 مينۋتتان ارتىق شىعۋعا;
- بۇل رەتتە توتەنشە, فورس-ماجورلىق جاعدايلاردى جانە/نەمەسە تۇسۋشىلەردىڭ دەنساۋلىعىنا بايلانىستى جاعدايلاردى قوسپاعاندا, تەستىلەۋدىڭ ءبىرىنشى جانە سوڭعى ساعاتتارىندا شىعۋعا;
- سويلەسۋگە, ورىن اۋىستىرۋعا;
- قۇجاتتارمەن, كەز كەلگەن تىيىم سالىنعان زاتتارمەن جانە تۇسۋشىگە جۇمىس ءۇشىن بەرىلگەن ا4 فورماتىنداعى پاراعىمەن الماسۋعا;
- تەستىلەۋ ماتەريالدارىن, قۇجاتتاردى جانە تەست تاپسىرمالارىمەن جۇمىس ءۇشىن بەرىلگەن ا4 فورماتىنداعى پاراقتى اۋديتوريادان (كومپيۋتەرلىك سىنىپتان) الىپ شىعۋعا, بۇلدىرۋگە;
- اۋديتورياعا (كومپيۋتەرلىك سىنىپقا) قاعيدالاردىڭ 75-تارماعىندا كورسەتىلگەن تىيىم سالىنعان زاتتاردى الىپ كىرۋىنە جانە/نەمەسە قولدانۋىنا;
- تەستىلەۋ الدىندا نەمەسە تەستىلەۋ كەزىندە شۋلاۋعا;
- تەستىلەۋ تاپسىرمالارىنىڭ مازمۇنىن تالقىلاۋعا جانە جاريا ەتۋگە;
- تەستىلەۋگە پايدالانىلاتىن تەحنيكاعا جانە قاۋىپسىزدىك جۇيەسىنە قاساقانا زيان كەلتىرۋگە;
- تەستىلەۋ جۇيەسىنە ارالاسۋ ارەكەتىنە جانە تەستىلەۋدەن وتۋگە بايلانىستى وزگە دە بۇزۋشىلىقتارعا رۇقسات ەتىلمەيدى.
تستىلەۋ وتكىزىلەتىن كومپيۋتەردىڭ ينتەرفەيسىندەگى كالكۋلياتورلاردى, مەندەلەەۆ كەستەسىن جانە تۇزداردىڭ ەرىگىشتىگى كەستەسىن پايدالانۋعا رۇقسات ەتىلەدى.
ءتۇسۋشى اۋديتوريادان شىققان جاعدايدا اۋديتورياعا قايتا كىرگەن كەزدە مەتالل ىزدەگىشپەن تەكسەرىلىپ كىرگىزىلەدى.
بۇيرىق 2024 جىلى 15 شىلدەدەن باستاپ قولدانىسقا ەنگىزىلەدى.
