Qazaqstanda UBT ótkizý erejesine ózgerister engizildi

Foto: ashyq derekkóz

Ǵylym jáne joǵary bilim mınıstriniń 2024 jyly 28 maýsymdaǵy buıryǵymen Ulttyq biryńǵaı testileýdi ótkizý qaǵıdalaryna ózgerister men tolyqtyrýlar engizildi. Bul týraly Stan.kz aqparat agenttigi habarlaıdy.

Qujatta shyǵarmashylyq daıyndyqty talap etetin bilim berý baǵdarlamalary toptarynyń túsýshilerin qospaǵanda, túlekter Qazaqstan tarıhy, matematıkalyq saýattylyq, oqý saýattylyǵy (oqý tili) jáne eki beıindik pán boıynsha Ulttyq biryńǵaı testileýden ótetini belgilengen.

Qysqartylǵan oqý merzimderin kózdeıtin bilim berý baǵdarlamalary toptary boıynsha daıarlaýdyń uqsas baǵyttaryna túsýshilerdi qospaǵanda, Qazaqstan azamaty sanalmaıtyn ulty qazaq adamdar oqý saýattylyǵy (oqý tili) jáne eki beıindik pán boıynsha UBT tapsyrady.

Shyǵarmashylyq daıyndyqty talap etetin bilim berý baǵdarlamalary toptaryna túsýshiler Qazaqstan tarıhy jáne oqý saýattylyǵy (oqý tili) boıynsha UBT tapsyrady.

Shyǵarmashylyq daıyndyqty talap etetin bilim berý baǵdarlamalary toptaryna túsýshi Qazaqstan azamaty sanalmaıtyn ulty qazaq adamdar Oqý saýattylyǵy (oqý tili) boıynsha UBT tapsyrady.

Shyǵarmashylyq daıarlyqty talap etetin bilim berý baǵdarlamalary tobyna túsýshilerdi qospaǵanda, qysqartylǵan oqý merzimderin kózdeıtin bilim berý baǵdarlamalary boıynsha daıarlaýdyń uqsas baǵyttaryna túsetin adamdar, onyń ishinde Qazaqstan azamaty sanalmaıtyn ulty qazaq adamdar Ulttyq biryńǵaı testileýdi jalpy kásiptik jáne arnaıy pánder boıynsha tapsyrady.

Shyǵarmashylyq daıyndyqty talap etetin, qysqartylǵan oqytý merzimderin kózdeıtin bilim berý baǵdarlamalarynyń uqsas baǵyttaryna oqýǵa túsýshi adamdar, onyń ishinde Qazaqstan azamaty sanalmaıtyn ulty qazaq adamdar úshin Ulttyq biryńǵaı testileýdi arnaıy pán boıynsha ótkiziledi.

«Pedagogıkalyq ǵylymdar» bilim berý salasy boıynsha bilim berý baǵdarlamalary tobyna aýysatyndardy qospaǵanda, shyǵarmashylyq daıyndyqty talap etetin bilim berý baǵdarlamalary toby boıynsha bilim alýshy jáne basqa bilim berý baǵdarlamalary tobyna aýysýǵa nıet bildirgen tulǵalar eki beıindik boıynsha Ulttyq biryńǵaı testileýden ótedi.

Shyǵarmashylyq daıyndyqty talap etetin bilim berý baǵdarlamalary toptarynan aýysatyndardy qospaǵanda, basqa bilim berý baǵdarlamalary toby boıynsha bilim alýshy jáne «Pedagogıkalyq ǵylymdar» bilim berý salasy boıynsha bilim berý baǵdarlamalary tobyna aýysýǵa nıet bildirgen tulǵalar Qazaqstan tarıhy, matematıkalyq saýattylyq, oqý saýattylyǵy (oqý tili) jáne eki beıindik pán boıynsha UBT tapsyrady.

Qysqartylǵan oqytý merzimderin kózdeıtin bilim berý baǵdarlamalarynyń uqsas baǵyttaryna oqýǵa túsýshilerdi qospaǵanda, orta, tehnıkalyq jáne kásiptik nemese orta bilimnen keıingi bilim berý uıymdarynyń bitirýshileri úshin UBT test tapsyrmalarynyń sany:

• Qazaqstan tarıhy boıynsha – 20;
• matematıkalyq saýattylyq boıynsha – 10;
• oqý saýattylyǵy (oqý tili) boıynsha – 10;
• birinshi beıindik pán boıynsha – 40;
• ekinshi beıindik pán boıynsha – 40.

Qysqartylǵan oqý merzimderin kózdeıtin bilim berý baǵdarlamalary toptary boıynsha daıarlaýdyń uqsas baǵyttaryna túsetin adamdardy qospaǵanda, Qazaqstan azamaty emes ulty qazaq adamdar úshin UBT test tapsyrmalarynyń sany:

• oqý saýattylyǵy (oqý tili) boıynsha – 10;
• birinshi beıindik pán boıynsha – 40;
• ekinshi beıindik pán boıynsha – 40.

Qysqartylǵan oqý merzimderin kózdeıtin bilim berý baǵdarlamalary toptary boıynsha daıarlaýdyń uqsas baǵyttaryna túsetin adamdardy qospaǵanda, shyǵarmashylyq daıarlyqty talap etetin bilim berý baǵdarlamalary tobyna túsýshi Qazaqstan azamaty sanalmaıtyn ulty qazaq adamdar úshin Oqý saýattylyǵy (oqý tili) boıynsha UBT test tapsyrmalarynyń sany – 10.

Ulttyq biryńǵaı testileýdiń beıindik pánderi kórsetilgen bilim berý baǵdarlamalary toptarynyń tizbesi osy Qaǵıdalarǵa 1-qosymshaǵa sáıkes belgilengen.

Shyǵarmashylyq daıyndyqty talap etetin bilim berý baǵdarlamalary toby boıynsha bilim alýshy jáne basqa bilim berý baǵdarlamalary tobyna aqyly negizde aýysýǵa nıet bildirgen tulǵalar úshin Ulttyq biryńǵaı testileýdegi test tapsyrmalarynyń sany:

• birinshi beıindik pán boıynsha – 40;
• ekinshi beıindik pán boıynsha – 40.

Qazaq tilin V1 (orta) deńgeıden tómen emes meńgergenin rastaıtyn QAZTEST sertıfıkaty bar tulǵalar qalaýy boıynsha UBT-nyń «Qazaq tili» beıindik páninen nemese arnaıy páninen test tapsyrýdan bosatylady jáne Úlgilik qaǵıdalardyń 4-2 tarmaǵyna jáne 2-2-qosymshasynda belgilengen baldardy aýystyrý shkalasyna sáıkes bilim berý grantyn taǵaıyndaý konkýrsyna qatysa alady jáne (nemese) JJOKBU-ǵa aqyly negizde oqýǵa qabyldana alady.

«Nazarbaev Zııatkerlik mektepteri» derbes bilim berý uıymynyń bilim berý baǵdarlamalary boıynsha oqýlaryn aıaqtaǵan bitirýshilerge UBT sertıfıkattary Úlgilik qaǵıdalardyń 4-3-tarmaǵyna jáne «Nazarbaev Zııatkerlik mektepteri» derbes bilim berý uıymy bitirýshileriniń oqýdaǵy nátıjeleriniń syrttaı baǵalaý baldaryn UBT baldaryna aýystyrý shkalasy 2-3-qosymshaǵa sáıkes oqý nátıjeleriniń syrttaı baǵalaý baldaryn UBT-nyń baldaryna aýystyrý negizinde beriledi.

• UBT boıynsha eń joǵary ball – 140 ball.

Shyǵarmashylyq daıyndyqty talap etetin bilim berý baǵdarlamalary tobyna túsetin tulǵalar úshin UBT boıynsha eń joǵary ball – 130 ball.

Qysqartylǵan oqý merzimderin kózdeıtin bilim berý baǵdarlamalary toptary boıynsha daıarlaýdyń uqsas baǵyttaryna túsetin adamdardy qospaǵanda, shyǵarmashylyq daıarlyqty talap etetin bilim berý baǵdarlamalary tobyna túsýshi Qazaqstan azamaty sanalmaıtyn ulty qazaq adamdar úshin Ulttyq biryńǵaı testileý boıynsha eń joǵary ball –110 balldy quraıdy.

Shekteý is-sharalary júzege asyrylǵan, onyń ishinde karantın, tótenshe jaǵdaı engizilgen, jahandyq nemese óńirlik, sondaı-aq jergilikti aýqymdaǵy áleýmettik, tabıǵı jáne tehnogendik sıpattaǵy tótenshe jaǵdaılar (odan ári — shekteý is-sharalary) týyndaǵan kezde ǵylym jáne joǵary bilim salasyndaǵy ýákiletti organ ótinishterdi qabyldaý jáneUlttyq biryńǵaı testileý ótkizý merzimderine ózgeris engizedi.

Shekteý is-sharalary kezinde júrgizilgen Ulttyq biryńǵaı testileýde tómen nátıjeler alǵan jaǵdaıda respýblıkalyq bıýdjet nemese jergilikti bıýdjet qarajaty esebinen joǵary bilimniń bilim berý grantyn taǵaıyndaý konkýrsynda túsýshiniń qalaýy boıynsha júrgizilgen UBT-diń eń jaqsy nátıjesi eskeriledi.

• UBT uzaqtyǵy — 240 mınýt (4 saǵat);
• Testileýdiń 60 mınýty ótkennen keıin jattyǵýlarǵa arnalǵan 2 mınýt kóleminde úzilis júzege asyrylady;
• 120 mınýt testileý aıaqtalǵannan keıin jattyǵýlarǵa arnalǵan 3 mınýt kóleminde úzilis beriledi;
• 180 mınýt testileý aıaqtalǵannan keıin 3 mınýt kóleminde úzilis beriledi;
• Shyǵarmashylyq daıyndyqty talap etetin bilim berý baǵdarlamalary tobyna túsýshiler úshin testileý uzaqtyǵy – 70 mınýt;
• Qysqartylǵan oqý merzimderin kózdeıtin bilim berý baǵdarlamalary toptary boıynsha daıarlaýdyń uqsas baǵyttaryna túsetin adamdardy qospaǵanda, Qazaqstan azamaty emes ulty qazaq adamdar úshin testileýdiń uzaqtyǵy – 150 mınýt (2 saǵat 30 mınýt);
• Shyǵarmashylyq daıarlyqty talap etetin bilim berý baǵdarlamalary tobyna túsýshi Qazaqstan azamaty emes ulty qazaq adamdar úshin testileýdiń uzaqtyǵy – 20 mınýt;
• Shyǵarmashylyq daıyndyqty talap etetin bilim berý baǵdarlamalary toby boıynsha JJOKBU – nyń bilim alýshylary jáne basqa bilim berý baǵdarlamalary toptaryna aýysqysy keletinder úshin testileý uzaqtyǵy-130 mınýt;
• Qysqartylǵan oqytý merzimderin kózdeıtin bilim berý baǵdarlamalary boıynsha oqýǵa túsýshiler úshin UBT-ǵa 120 mınýt (2 saǵat) bólinedi;
• Shyǵarmashylyq daıyndyqty talap etetin bilim berý baǵdarlamalary tobyna qysqartylǵan oqytý merzimderin kózdeıtin bilim berý baǵdarlamalary boıynsha uqsas daıarlaý baǵyttary boıynsha túsýshiler úshin – 80 mınýt;
• Múgedektigi bar balalar jáne múgedektigi bar adamdar (kórý, estý, tirek-qımyl apparatynyń fýnkııalary buzylǵan) úshin testileýge qosymsha 40 mınýt ýaqyt beriledi.

Elektrondyq formattaǵy UBT-ny ótkizý barysynda túsýshige akademııalyq adaldyq prınıpterin buzýǵa, onyń ishinde:

• aýdıtorııadan (kompıýterlik synyptan) testileý ákimshisiniń ruqsatynsyz 10 mınýttan artyq shyǵýǵa;
• Bul rette tótenshe, fors-majorlyq jaǵdaılardy jáne/nemese túsýshilerdiń densaýlyǵyna baılanysty jaǵdaılardy qospaǵanda, testileýdiń birinshi jáne sońǵy saǵattarynda shyǵýǵa;
• sóılesýge, oryn aýystyrýǵa;
• qujattarmen, kez kelgen tyıym salynǵan zattarmen jáne túsýshige jumys úshin berilgen A4 formatyndaǵy paraǵymen almasýǵa;
• testileý materıaldaryn, qujattardy jáne test tapsyrmalarymen jumys úshin berilgen A4 formatyndaǵy paraqty aýdıtorııadan (kompıýterlik synyptan) alyp shyǵýǵa, búldirýge;
• aýdıtorııaǵa (kompıýterlik synypqa) Qaǵıdalardyń 75-tarmaǵynda kórsetilgen tyıym salynǵan zattardy alyp kirýine jáne/nemese qoldanýyna;
• testileý aldynda nemese testileý kezinde shýlaýǵa;
• testileý tapsyrmalarynyń mazmunyn talqylaýǵa jáne jarııa etýge;
• testileýge paıdalanylatyn tehnıkaǵa jáne qaýipsizdik júıesine qasaqana zııan keltirýge;
• testileý júıesine aralasý áreketine jáne testileýden ótýge baılanysty ózge de buzýshylyqtarǵa ruqsat etilmeıdi.

Tstileý ótkiziletin kompıýterdiń ınterfeısindegi kalkýlıatorlardy, Mendeleev kestesin jáne tuzdardyń erigishtigi kestesin paıdalanýǵa ruqsat etiledi.

Túsýshi aýdıtorııadan shyqqan jaǵdaıda aýdıtorııaǵa qaıta kirgen kezde metall izdegishpen tekserilip kirgiziledi.

Buıryq 2024 jyly 15 shildeden bastap qoldanysqa engiziledi.