Qazaqstanda uzaq jolda tynyqpaı rólde otyratyn júrgizýshilerge aıyppul salynady

Foto: sıýjet kadrlarynan

Elimizde uzaq jolda tynyqpaı tizginde otyratyn avtobýs jáne júk kóliginiń júrgizýshilerine jappaı aıyppul salynýda. Olar tórt mıllıon teńgeden astam aıyppul arqalaǵan. Kólik mınıstrligi trassalarda reıdtik sharalar jalǵasatynyn eskertti. Bul týraly qandastar.kz aqparat agenttigi 31-arnanyń “Informbıýro” jańalyqtar baǵdarlamasyna silteme jasap habarlaıdy.

Qalalar arasynda jolaýshy tasymaldaıtyn qoǵamdyq kólik júrgizýshilerine 9 saǵattan artyq júrýge bolmaıdy. Olar 4,5 saǵat saıyn 45 mınýt demalý kerek. Al erejeni elemegen júrgizýshiler kóliktegi tahograf qurylǵysy arqyly belgili bolǵan.

Avtobýstar men júk kólikterindegi bul qurylǵy avtomobıldiń jyldamdyǵyn, júrip ótken jolyn anyqtaýǵa múmkindik beredi. Al avtobýs tizgindeıtin azamattar ózderiniń úzilis jasaıtynyn, kerisinshe kúni-túni adam tasıtyn taksı júrgizýshilerin qatań baqylaý kerek ekenin aıtty.

“Biz ýaqytymen demalamyz. Halyqty aman-esen qalaǵa jetkizý ǵoı maqsatymyz. Sol úshin demalyp júremiz”, “Mysaly Almaty baǵytyna eki júrgizýshi bolady. Árqaısysynyń bólek jol qaǵazy, medıınalyq baqylaý qaǵazy bolady. Indraıverde júretinderde alys jolǵa bir shofer bolady. О́ıtkeni olarda oryn az. Ekinshi shofer almaıdy. Solardy teksersin”, – dedi júrgizýshiler.