Qazaqstanda zeınetaqy, memlekettik qyzmetkerlerdiń jalaqysy jáne ataýly áleýmettik kómek mólsheri ósedi

Foto: skrın vıdeo

Qazaqstanda zeınetaqy, bıýdjet salasynyń jalaqysy, ataýly áleýmettik kómek (AÁK) jáne turǵyn úı kómeginiń mólsheri artady, dep jazady qandastar.kz Stan.kz aqparat agenttigine silteme jasap.

Premer-mınıstrdiń orynbasary Serik Jumanǵarın Senattaǵy Taldau Talks podkastynda qosylǵan qun salyǵynyń ósýi, onyń Qazaqstandaǵy bıýdjet pen ınflıaııaǵa áserine qatysty saýaldarǵa jaýap berdi.

«Zań boıynsha biz ınflıaııa deńgeıinde zeınetaqyny, memlekettik qyzmetkerlerdiń, muǵalimderdiń jáne  dárigerlerdiń jalaqysyn ósirýge tıispiz. 20 paıyzdyq mólsherlememen bul 800 mıllıard teńge bolady. 16 paıyzdyq mólsherlemede ol 500-550 mıllıardtyń arasynda bolady. Ataýly áleýmettik kómektiń de mólsherin kóbeıtemiz. Qazir ol 200 myń adamǵa 40-45 mıllıard teńge kóleminde. Turǵyn úı kómegine qatysty, tarıfter baǵasy kóterilýiniń ornyn toltyrý úshin onyń da mólsherin ulǵaıtamyz», – dedi Jumanǵarın.

Aıta keteıik, buǵan deıin Qosylǵan qun salyǵynyń ósýi, shektiń tómendeýine qatysty Salyq kodeksine engizilgen túzetýler májiliske jiberilgen edi.