جاڭالىقتار
قازاقستاندا جاڭا كوميتەت قۇرىلدى
قازاقستاندا جاڭا كوميتەت قۇرىلدى, — دەپ حابارلايدى qandastar.kz.
«سۋدىڭ «قارا نارىعىمەن» كۇرەستى كۇشەيتۋ ماقساتىندا سۋ رەسۋرستارى جانە يرريگاتسيا مينيسترلىگىندە جاڭا ۆەدومستۆو – سۋ رەسۋرستارىن رەتتەۋ, قورعاۋ جانە پايدالانۋ كوميتەتى قۇرىلدى», — دەلىنگەن سۋ رەسۋرستارى جانە يرريگاتسيا مينيسترلىگىنىڭ حابارلاماسىندا.
جاڭا كوميتەت سۋدى زاڭسىز پايدالانۋ جانە ونى ەسەپكە الۋ دەرەكتەرىنىڭ بۇرمالانۋى, سونداي-اق ەلىمىزدىڭ سۋ نىساندارىنداعى قۇقىققا قايشى شارۋاشىلىق قىزمەتپەن كۇرەسەدى.
«مينيسترلىك سۋدى زاڭسىز پايدالانۋمەن بەلسەندى كۇرەس ءىس-شارالارىن قولعا الدى. بۇل ماسەلە ەرەكشە باقىلاۋدا. جاڭا كوميتەتتىڭ جۇمىسى قۇقىق بۇزۋشىلىقتاردىڭ الدىن الۋعا جانە ەلىمىزدىڭ سۋ رەسۋرستارىن قورعاۋعا باعىتتالعان. بۇل جۇمىستار زاڭناماعا ەنگىزىلەتىن وزگەرىستەرمەن بىرگە سۋدىڭ «قارا نارىعىنا» قارسى كۇرەستى ەداۋىر كۇشەيتۋى ءتيىس»,– دەدى سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆ.
