Qazaqstanda jańa komıtet quryldy

Qazaqstanda jańa komıtet quryldy, — dep habarlaıdy qandastar.kz.

«Sýdyń «qara naryǵymen» kúresti kúsheıtý maqsatynda Sý resýrstary jáne ırrıgaııa mınıstrliginde jańa vedomstvo – Sý resýrstaryn retteý, qorǵaý jáne paıdalaný komıteti quryldy», — delingen Sý resýrstary jáne ırrıgaııa mınıstrliginiń habarlamasynda.

Jańa komıtet sýdy zańsyz paıdalaný jáne ony esepke alý derekteriniń burmalanýy, sondaı-aq elimizdiń sý nysandaryndaǵy quqyqqa qaıshy sharýashylyq qyzmetpen kúresedi.

«Mınıstrlik sýdy zańsyz paıdalanýmen belsendi kúres is-sharalaryn qolǵa aldy. Bul másele erekshe baqylaýda. Jańa komıtettiń jumysy quqyq buzýshylyqtardyń aldyn alýǵa jáne elimizdiń sý resýrstaryn qorǵaýǵa baǵyttalǵan. Bul jumystar zańnamaǵa engiziletin ózgeristermen birge sýdyń «qara naryǵyna» qarsy kúresti edáýir kúsheıtýi tıis»,– dedi Sý resýrstary jáne ırrıgaııa mınıstri Nurjan Nurjigitov.