قازاقستاندا جاساندى ينتەللەكت كومەگىمەن قىلمىسكەرلەر ۇستالدى

فوتو: تەنگرينيۋس.كز

قازاقستاندا جاساندى ينتەللەكت ەلەمەنتتەرى بار بەينەباقىلاۋ كامەرالارى ەنگىزىلۋدە, – دەپ حابارلادى qandastar.kz.

باس پروكۋرور بەرىك اسىلوۆتىڭ ايتۋىنشا, جۇيە تامىز ايىندا ىسكە قوسىلادى.

«تامىز ايىنان باستاپ ءبىز قاشقىنداردى, بورىشكەرلەردى جانە ءىز-ءتۇزسىز جوعالعان ادامداردى الماتى مەن اتىراۋداعى بەينەباقىلاۋ كامەرالارىنان اۆتوماتتى تۇردە كورە الامىز. جي كومەككە كەلەدى. مىسالى, ەكى كۇننىڭ ىشىندە تەرگەۋدەن قاشىپ كەتكەن ەكى ادام مەن ءىز-ءتۇزسىز جوعالعان تاعى ەكى ادام انىقتالدى», – دەدى اسىلوۆ.

باس پروكۋرور جاساندى ينتەللەكت كومەگىمەن ىزدەۋدە جۇرگەن ادامداردى «جاس پەن سىرتقى ءتۇرىنىڭ وزگەرۋىنە قاراماستان, كامەرالار ارقىلى تابۋعا بولاتىنىن, بۇل ىزدەۋ جۇمىسىن ايتارلىقتاي جەڭىلدەتەتىنىن ايتتى.

مۇنداي كامەرالار جاقىن ارادا قازاقستاننىڭ باسقا ايماقتارىندا دا پايدا بولماق.