Qazaqstanda jasandy ıntellekt kómegimen qylmyskerler ustaldy

Foto: Tengrınıýs.kz

Qazaqstanda jasandy ıntellekt elementteri bar beınebaqylaý kameralary engizilýde, – dep habarlady qandastar.kz.

Bas prokýror Berik Asylovtyń aıtýynsha, júıe tamyz aıynda iske qosylady.

«Tamyz aıynan bastap biz qashqyndardy, boryshkerlerdi jáne iz-túzsiz joǵalǵan adamdardy Almaty men Atyraýdaǵy beınebaqylaý kameralarynan avtomatty túrde kóre alamyz. JI kómekke keledi. Mysaly, eki kúnniń ishinde tergeýden qashyp ketken eki adam men iz-túzsiz joǵalǵan taǵy eki adam anyqtaldy», – dedi Asylov.

Bas prokýror jasandy ıntellekt kómegimen izdeýde júrgen adamdardy «jas pen syrtqy túriniń ózgerýine qaramastan, kameralar arqyly tabýǵa bolatynyn, bul izdeý jumysyn aıtarlyqtaı jeńildetetinin aıtty.

Mundaı kameralar jaqyn arada Qazaqstannyń basqa aımaqtarynda da paıda bolmaq.