Qazaqstanda jastarǵa 1 mıllıon teńgeden beriledi

25 naýryz ben 24 sáýir aralyǵynda «Zhas Project» áleýmettik jobalar baıqaýyna ótinimder qabyldanady. Joba sheńberinde jastarǵa 1 mıllıon teńge sheńberinde 280 shaǵyn grant berý kózdelgen

QR Mádenıet jáne aqparat mınıstrligi Jastar jáne otbasy isteri komıtetiniń tóraǵasy Qaırat Qambarovtyń aıtýynsha, joba elimizdiń barlyq 20 óńirinde iske asyrylady. Baıqaýǵa NEET sanatyndaǵy (ekonomıkalyq, áleýmettik nemese saıası faktorlarǵa baılanysty jumys istemeıtin, oqymaıtyn jastar) 18-35 jasqa deıingi jas qazaqstandyqtar qatysa alady.

«2022 jyldan beri jastardy jergilikti qoǵamdastyq qyzmetine qaıta tartý maqsatynda «Zhas project» granttyq baǵdarlamasy iske asyrylyp jatyr. Joba ómirlik mańyzdy daǵdylardy damytýǵa jáne qoǵam ómirine qatysýǵa, jeke tulǵa men áleýmettik ınstıtýttar arasynda senim ornatýǵa, áleýmettik jobalardyń turaqty ekonomıkalyq modelin qurýǵa baǵyttalǵan. Áleýmettik mańyzy bar bıznes-jobalardy oqytý men iske asyrý arqyly NEET sanatyndaǵy jastar oń jáne nátıjeli qyzmetke tartýdyń biregeı tájirıbesin alady», – dedi Q.Qambarov Ortalyq kommýnıkaııalar qyzmetinde ótken baspasóz máslıhatynda.

Baıqaýǵa usynylatyn jobalar jergilikti qoǵamdastyqtyń áleýmettik máselelerin sheshýge baǵyttalyp, 4 aıdan aspaıtyn merzimde iske asyrylýy qajet. Shaǵyn granttardy iske asyrýda bilikti jattyqtyrýshylardy, tálimgerlerdi, psıhologtardy jáne áleýmettik jobalardy iske asyrý mamandaryn tarta otyryp, jastarǵa zańgerlik jáne konsýltaııalyq qoldaý uıymdastyrylady.

Jobany sapaly ári tıimdi iske asyrý úshin ár óńirde jobalyq keńse ashyldy, koll-ortalyqtar quryldy, jastar jobalaryn qabyldaý úshin saıttar ashyldy. Azamattyq bastamalardy qoldaý ortalyǵynyń cisc.kz resmı saıtynda arnaıy «Zhas project» paraqshasynda ár óńirdiń baılanys telefondary kórsetilgen.

2024 jylǵy 15 mamyrda ınternet-resýrstar men áleýmettik jelilerde irikteý nátıjeleri jarııalanady. Al qarasha aıynda úzdik jobalardyń qatysýymen qorytyndy forým ótedi.