قازاقستاندا جەدەل جاردەم قىزمەتكەرلەرى ۆيدەوجەتونمەن قامتىلماق

فوتو: اشىق دەرەككوز

دەنساۋلىق ساقتاۋ ءمينيسترى اقمارال ءالنازاروۆا جەدەل جاردەم قىزمەتكەرلەرىنە جاسالعان شابۋىل جيىلەگەندىكتەن, ولار ۆيدەوجەتونمەن قامتىلاتىنىن ايتتى. بۇل تۋرالى qandastar.kz اقپارات اگەنتتىگى حابارلايدى.

اقمارال ءالنازاروۆانىڭ سوزىنشە, الداعى ۋاقىتتا ەلدە جەدەل مەديتسينالىق كومەك قىزمەتكەرلەرىنىڭ قاۋىپسىزدىگى كۇشەيتىلەدى.

«تاعى ءبىر ماسەلە – قىزمەتكەرلەردى قۇقىق قورعاۋ ورگاندارىنىڭ ۇلگىسى بويىنشا ۆيدەوجەتونمەن قامتۋ. بۇل سۇراق تا قۇقىقتىق تۇرعىدان رەتتەلەدى. مەنىڭشە, مۇنى شەشۋ قيىن ەمەس», – دەدى ول ءماجىلىس كۋلۋارىندا.

Stan.kz جازعانداي, مينيستر فەلدشەرلەردى ساقتاندىرۋ مۇمكىندىگى دە قارالىپ جاتقانىن مالىمدەدى.

«كۇن تارتىبىندە قىزمەتىن اتقارۋ كەزىندە شابۋىل جاسالىپ, دەنساۋلىعىنا زيان كەلۋى ىقتيمال قىزمەتكەرلەردى ساقتاندىرۋ ماسەلەسى دە تۇر. بۇل ساۋالدى ءبىز جەدەل مەديتسينالىق قىزمەت ۇيىمدارىنىڭ باسشىلارىمەن تالقىلادىق, سوندىقتان قازىر كۇن تارتىبىندە تۇر», – دەدى ءالنازاروۆا.