Qazaqstanda jemqorlardyń tizimi qaıda jarııalanatyny belgili boldy — Antıkor ókili jaýap berdi

Foto: ashyq derekkóz

Para úshin sottalǵandardyń tizimi antıkor bazasynda jarııalanady. Bul týraly Antıkor ókili Danııar Bıgaıdarov málimdedi, dep habarlaıdy qandastar.kz

Aıtýynsha, bul jobanyń profılaktıkalyq mańyzy zor. Sebebi ár azamat bireýdiń jibergen qatesinen sabaq alady.

“Qazirgi ýaqytta zańnamalyq ınııatıva birinshi qaralymnan ótti. Ashyq tizimdi engizý baqylaýdy arttyrýdyń tıimdi quraly. Bul tizim joba boıynsha Antıkor portalynda jarııalanýy tıis. Eger zań qabyldansa, onyń profılaktıkalyq mańyzy zor. О́ıtkeni elimizdiń árbir azamaty jemqorlyqpen ustalyp, sottalǵan kisilerdi ashyq túrde kóre alady. Profılaktıkalyq mańyzy zor dep aıtýymnyń sebebi de — osy. Bul basqa azamattardyń osy tizimge qosylýdan aýlaq bolýyna áser etedi”, — dedi ol.

Eske salaıyq, buǵan deıin Qazaqstanda jemqorlardyń tizimi ashyq túrde jarııalanýy múmkin ekeni aıtylǵan edi.

Dalanews.kz jazǵandaı, sybaılas jemqorlyqqa qarsy is-qımyl agenttigi tóraǵasynyń birinshi orynbasary Ulan Sarqulovtyń málimdeýinshe, sybaılas jemqorlyqqa qarsy jańa zań qabyldanǵan jaǵdaıda, jemqorlyq úshin sottalǵandardyń tizimi ashyq túrde jarııalanbaq.

Jańa tizilim sybaılas jemqorlyqqa qarsy profılaktıkalyq shara retinde engiziledi.

Tizilimge aýyr jáne asa aýyr jemqorlyq qylmystary úshin sottalǵan adamdardyń esimi engiziledi. Bul proess sottyń zańdy kúshine engen úkimi negizinde júzege asyrylady. Eger adam aqtaý úkimin alsa nemese onyń sottylyǵy joıylsa, onyń aty-jóni tizimnen alynyp tastalady.

Tizilimdi Sybaılas jemqorlyqqa qarsy is-qımyl agenttigi júrgizedi jáne ol vedomstvonyń resmı saıtynda ashyq túrde qoljetimdi bolady.