Qazaqstanda jemqorlyqqa qatysty jaza kúsheıtilmek

Qazaqstanda sybaılas jemqorlyq qylmystary úshin jaýapkershilik kúsheıtiledi. Bul týraly Sybaılas jemqorlyqqa qarsy is-qımyl agenttigi tóraǵasynyń birinshi orynbasary Ulan Sarqulov Májilistiń plenarlyq otyrysynda málimdedi, dep jazdy qandastar.kz

Aıtýynsha, qazirgi ýaqytta Qazaqstanda Ákimshilik quqyq buzýshylyqtar týraly kodekstiń (ÁQBtK) 678-baby boıynsha zańdy tulǵalar sheneýnikterge syıaqy bergeni úshin ákimshilik jaýapkershilikke tartylady. Bul úshin 750 AEK (2025 jyly 2,9 mıllıon teńge) mólsherinde aıyppul qarastyrylǵan.

«Halyqaralyq standarttardy eskere otyryp, ÁQBtK-niń osy babynyń jańa redakııasy ázirlendi. Ol baptyń dıspozıııasy men sankııalaryn Qylmystyq kodekstiń 367-babyna («Para berý») uqsas etip, birneshe ese aıyppul túrinde qaıta qaraýdy kózdeıdi. Aıyppul somasy zańdy tulǵanyń atynan nemese múddesi úshin berilgen materıaldyq syıaqy (para) somasyna baılanysty 30-dan 60 esege deıingi mólsherdi quraıdy», – dedi Sarqulov Májilistiń plenarlyq otyrysynda.

Budan bólek, zań jobasynda quqyq qoldaný tájirıbesiniń qorytyndysy boıynsha ózgerister qarastyrylǵan.

• arnaıy jáne quqyq qorǵaý organdary qyzmetkerleriniń ákimshilik sybaılas jemqorlyq quqyq buzýshylyqtar jasaǵany úshin ákimshilik jaýapkershiligin belgileý (qazirgi ýaqytta tek tártiptik jaýapkershilik kózdelgen);
• memlekettik qyzmetshiler men olarǵa teńestirilgen tulǵalardyń kásipkerlik qyzmetke zańsyz aralasqany úshin ákimshilik jaýapkershiligin kúsheıtý;
• sybaılas jemqorlyq qylmystar jasaǵan tulǵalardyń memlekettik qyzmetke 2005 jylǵa deıin (sybaılas jemqorlardy jumysqa qabyldaýǵa zańnamalyq tyıym engizilgenge deıin) qabyldanǵan bolsa, qyzmette odan ári kóterilýin shekteý.