جاڭالىقتار
قازاقستاندا جەتىم بالالاردىڭ ۇيىنە باسقا ادامدار كىرىپ العان
سولتۇستىك قازاقستان وبلىسىنىڭ پروكۋرورلارى اتا-انانىڭ قامقورىنسىز قالعان بالالاردىڭ م ۇلىكتىك قۇقىقتارىن قورعادى, دەپ حابارلايدى Qandastar.kz سايتى Skifnews.kz اقپارات پورتالىنا سىلتەمە جاساپ.
قاداعالاۋ ورگانى اتا-اناسىنىڭ قامقورلىعىنسىز قالعان بالالاردىڭ م ۇلىكتەرىنىڭ ساقتالۋىن باقىلاماعان.
ايىرتاۋ اۋدانىنىڭ بالالاردى قولداۋ ورتالىعى اتالعان اۋداننىڭ لوبانوۆو اۋىلىندا ورنالاسقان, اتا-اناسىنىڭ قامقورلىعىنسىز قالعان, كامەلەتتىك جاسقا تولماعان التى بالانىڭ ءۇيىن ۇزاق ۋاقىت بويى باسقارۋ جانە باقىلاۋ شارالارىن قابىلداماعان.
اتالعان ارەكەتسىزدىكتەرگە بايلانىستى اتالعان تۇرعىن ۇيگە 2024 جىلدىڭ تامىزىنان باستاپ زاڭدى نەگىزسىز بەيتانىس ادام قونىستانعان.
مامليۋت اۋدانىندا «تۇرعىن ءۇي قاتىناستارى تۋرالى» زاڭىنىڭ تالاپتارىن بۇزا وتىرىپ, جەتىم بالالارعا ارنالعان 2 كوممۋنالدىق پاتەردە باسقا ادامدار تۇرعان.
تاعى ءبىر جاعدايدا, اقجار اۋدانىنداعى بالالاردى قولداۋ ورتالىعىنىڭ تاربيەلەنۋشىسىنىڭ اكەسى قايتىس بولعاننان كەيىن وبلىستاعى اۋىل شارۋاشىلىعى كاسىپورىندارىنىڭ ءبىرىنىڭ جارعىلىق كاپيتالىنداعى جەر ۇلەسى قالعان.
قۇرىلتاي قۇجاتتارىنا سايكەس كامەلەتكە تولماعان ادامنىڭ بانك شوتىنا جىل سايىن الەۋمەتتىك كومەك (پايلىق ديۆيدەندتەر) كەلىپ تۇسكەن.
الايدا, ۋاكىلەتتى ورگاننىڭ باقىلاۋىنىڭ بولماۋىنا بايلانىستى 2024 جىلى تالاپ ەتىلەتىن تولەمدەر جەتىم بالانىڭ بانكتىك شوتىنا جىبەرىلمەگەن.
پروكۋراتۋرا ارالاسقاننان كەيىن جەتىم جانە اتا-اناسىنىڭ قامقورلىعىنسىز قالعان بالالاردىڭ بۇزىلعان قۇقىقتارى تۇرعىن ءۇيدى بوگدە ادامداردان بوساتۋ جانە الەۋمەتتىك كومەك تولەۋ ارقىلى قالپىنا كەلتىرىلدى.
