Qazaqstanda jetim balalardyń úıine basqa adamdar kirip alǵan

Soltústik Qazaqstan oblysynyń prokýrorlary ata-ananyń qamqorynsyz qalǵan balalardyń múliktik quqyqtaryn qorǵady, dep habarlaıdy Qandastar.kz saıty Skifnews.kz aqparat portalyna silteme jasap.

Qadaǵalaý organy ata-anasynyń qamqorlyǵynsyz qalǵan balalardyń múlikteriniń saqtalýyn baqylamaǵan.

Aıyrtaý aýdanynyń Balalardy qoldaý ortalyǵy atalǵan aýdannyń Lobanovo aýylynda ornalasqan, ata-anasynyń qamqorlyǵynsyz qalǵan, kámelettik jasqa tolmaǵan alty balanyń úıin uzaq ýaqyt boıy basqarý jáne baqylaý sharalaryn qabyldamaǵan.

Atalǵan áreketsizdikterge baılanysty atalǵan turǵyn úıge 2024 jyldyń tamyzynan bastap zańdy negizsiz beıtanys adam qonystanǵan.

Mamlıýt aýdanynda «Turǵyn úı qatynastary týraly» Zańynyń talaptaryn buza otyryp, jetim balalarǵa arnalǵan 2 kommýnaldyq páterde basqa adamdar turǵan.

Taǵy bir jaǵdaıda, Aqjar aýdanyndaǵy Balalardy qoldaý ortalyǵynyń tárbıelenýshisiniń ákesi qaıtys bolǵannan keıin oblystaǵy aýyl sharýashylyǵy kásiporyndarynyń biriniń jarǵylyq kapıtalyndaǵy jer úlesi qalǵan.

Quryltaı qujattaryna sáıkes kámeletke tolmaǵan adamnyń bank shotyna jyl saıyn áleýmettik kómek (paılyq dıvıdendter) kelip túsken.

Alaıda, ýákiletti organnyń baqylaýynyń bolmaýyna baılanysty 2024 jyly talap etiletin tólemder jetim balanyń banktik shotyna jiberilmegen.

Prokýratýra aralasqannan keıin jetim jáne ata-anasynyń qamqorlyǵynsyz qalǵan balalardyń buzylǵan quqyqtary turǵyn úıdi bógde adamdardan bosatý jáne áleýmettik kómek tóleý arqyly qalpyna keltirildi.