Qazaqstanda júk kólikteri qozǵalysyna shekteý engizildi

Jyl saıyn jazǵy ýaqytta Qazaqstanda júk kólikteri qozǵalysyna ýaqytsha shekteýler engiziledi. «QazAvtoJolda» bul sharalar jol jabynyn saqtaýǵa jáne joǵary temperatýra jaǵdaıynda joldardaǵy qaýipsizdikti qamtamasyz etýge baǵyttalǵanyn málimdedi, dep habarlaıdy qandastar.kz.

Shekteýlerdiń merzimi óńirlerge baılanysty 1 maýsymnan 31 tamyzǵa deıin, 1 maýsymnan 15 tamyzǵa deıin engiziledi. Jyl saıyn 1 maýsym men 31 tamyz aralyǵynda, aýa temperatýrasy 25°S joǵary bolǵan kezde saǵat 10:00-den 22:00-ge deıin kelesi aımaqtarda júk kólikteriniń qozǵalysyna shekteýler engiziledi:

• Almaty oblysy;
• Atyraý oblysy;
• Jambyl oblysy;
• Jetisý oblysy;
• Ulytaý oblysy;
• Qyzylorda oblysy;
• Túrkistan oblysy;
• Mańǵystaý oblysy. 

  Jyl saıyn 1 maýsym men 15 tamyz aralyǵynda, aýa temperatýrasy 25°S joǵary bolǵan kezde saǵat 11:00-den 21:00-ge deıin kelesi aımaqtarda júk kólikteriniń qozǵalysyna shekteýler engiziledi:

  • Abaı oblysy;
  • Aqmola oblysy;
  • Aqtóbe oblysy;
  • Shyǵys Qazaqstan oblysy;
  • Batys Qazaqstan oblysy;
  • Qaraǵandy oblysy;
  • Qostanaı oblysy;
  • Pavlodar oblysy;
  • Soltústik Qazaqstan oblysy.