Qazaqstanda jumys isteıtin zeınet jasyndaǵy adamdar zeınetaqydan qaǵyla ma: Depýtat Ashat Aımaǵambetov eńbek mınıstrine eskertý jasady

Kollaj: stan.kz

Eńbek jáne halyqty áleýmettik qorǵaý mınıstri Svetlana Jaqypova 1 qarashada jýrnalıstermen bolǵan kezdesýde jumys isteıtin zeınet jasyndaǵy adamdarǵa zeınetaqy tóleýdi doǵarý týraly usynysqa qatysty túsinikteme berdi. Alaıda májilis depýtaty Ashat Aımaǵambetov bul máselege qatysty qoǵam dúrligip, narazylyq bildirip jatqanyn aıtty. Bul týraly qandastar.kz Stan.kz aqparat agenttigine silteme jasap habarlaıdy.

vetlana Jaqypova qazir zeınet jasyna jetkenderdiń kópshiligi jumys istep, zeınetaqy men jalaqyny qatar alyp júrgenin aıtady.

«Olar jumysynan ketkisi kelmeıdi, óıtkeni sol ózderine yńǵaıly, jıǵan-tergen bilimi, tájirıbesi suranysqa ıe, sondyqtan olar jumysynda qala beredi. Mundaı jaǵdaıda bıýdjetten tólenetin tólemderdi olar zeınetke shyndap shyqqanǵa deıin doǵara turý usynylady», – deıdi ol.

Onyń aıtýynsha, únemdelgen qarajat 55 jasynda zeınetke shyqqysy keletinderge tóleýge baǵyttalýy múmkin.

«Bul tek talqylaý satysyndaǵy dúnıe. О́tken aptada biz sarapshylarmen kezdestik, endi keıbiri bar sondaı usynys tastaǵan, qysqasy, bul ázirge talqylaý satysyndaǵy nárse. Ákimder de, mınıstrler de memlekettik qyzmetkerler bar. Máselen, olardyń kelisimsharty bir jylǵa uzartylýy múmkin. Sodan soń olar zeınetke shyǵýy kerek. Mysaly, menen zeınet jasyna jetken soń jumys isteısiz be suraıdy. Men jumys isteıtinimdi aıttym. Meniń ǵylymmen aınalysýǵa nemese sabaq berýge múmkindigim bar. Tıisinshe, men osy salalarda jumys isteı alamyn. Eger solaı jasasam, onda zeınetaqysyz, tek jalaqyǵa ómir súremin», – dep túsindirdi eńbek mınıstri.

Onyń aıtýynsha, bul normany qodaý-qoldamaý qazaqstandyqtardyń enshisindegi dúnıe.

«Eger barlyq azamat… «O, bul jaqsy ǵoı. Maǵan zeınetaqynyń keregi joq, ary qaraı jumys isteı bergim keledi» dep jatsa ǵana. Al kim erterek zeınetke shyqqysy keledi? Bul múgedek balalardy tárbıelep otyrǵan analar, kóp balaly analar, qaýipti jáne qıyn eńbek jaǵdaılarynda jumys isteıtinder. Olardyń birneshe sanattary bar. Sondyqtan mundaı tańdaý quqyǵyn qoǵamǵa berý kerek jáne ony qoǵam ózi talqylaýǵa tıis», – dep sózin túıindedi Jaqypova.

Biraq májilis depýtaty Ashat Aımaǵambetovjumys istep júrgen zeınetkerlerdi memlekettik bıýdjet esebinen zeınetaqysynan aıyrý týraly usynys qoǵamda alańdaýshylyq týǵyzǵanyn aıtady.

«Bul ıdeıa memlekettik shyǵyndardy halyqtyń eń osal toptarynyń biri esebinen sheshýge tyrysý sekildi kórinedi. Munyń ornyna bıýdjeti ońtaılandyrýdyń ádil ádisterin izdestirý kerek. Kóptegen zeınetkerdiń ázirshe mınımaldy tólemder alatynyn jáne olar ómir súrý úshin jetkiliksiz ekenin túsiný mańyzdy. Endi olardyń alyp júrgen qarapaıym tabysy, áleýmettik qamtamasyz etý quqyǵy týraly Konstıtýııanyń 28-babymen kepildendirilgen zań kóńilge kúdik uıalatty. Adamdardyń eń az qarsylyq bildirýge qabiletti jerinen únemdeý joldaryn izdep jatqandaı áser qaldyrady. Alǵashynda onkologııalyq naýqastardyń emdeý qarjysyn qysqartý usynystary, keıin hospıstar men aýyr naýqastardy qoldaýǵa baǵyttalǵan qarjyny qysqartý, al endi – jumys istep júrgen zeınetkerlerdiń zeınetaqysyn qysqartý týraly usynys jasaldy«, – dep ashýlandy májilis depýtaty.

Bıýdjetti únemdeý kerek, biraq bilim berý, densaýlyq saqtaý, zeınetaqylar, járdemaqylar men azamattarymyzdyń jalaqylaryn qol suǵýǵa bolmaıdy dedi depýtat.

“Forýmdar, merekelik bezendirýler, jańa ákimshilik ǵımarattardy salý, maǵynasyz úlken stadıondardyń qurylysy, sheteldik legıonerlerge jalaqy tóleý jáne osyndaı basqa baǵyttar tapshylyqty jabýǵa múmkindik berer edi. Qýanyshqa oraı, eńbek jáne halyqty áleýmettik qorǵaý mınıstrligi múldem mundaı bastamalardyń joq ekenin túsindirdi. Zańnamada ózgerister engizilmeıdi. Olardyń aıtýynsha, bul tek talqylaýǵa usynylǵan pikir ǵana, mınıstrliktiń aldaǵy ýaqytqa jospary emes. Degenmen, meniń oıymsha, bul ıdeıanyń ózi konstıtýııalyq jáne ádildik prınıpterine qaıshy keledi», – dep jazdy depýtat.

Ol azamattarda alańdaýshylyq týǵyzýǵa negiz bolmaýy kerek dep otyr.

«Sondyqtan áriptesterimniń qoǵamda túsinispeýshilik pen artyq alańdaýshylyqty boldyrmaý úshin mundaı tereń máseleler boıynsha oılanyp baryp, sóıleýin qalaımyn«, – dep qorytyndylady depýtat.

Eske salaıyq, buǵan deıin jelide 1 qańtardan bastap zeınetaqyǵa 45 myń teńge qosymsha tólem engiziletini týraly aqparat tarady. Eńbek jáne halyqty áleýmettik qorǵaý mınıstrligi áleýmettik jelide taratylyp jatqan bul aqparatty joqqa shyǵardy.