قازاقستاندا جۇمىس كۇنى قىسقارا ما?

فوتو: Pixabay

بىرىڭعاي ۋاقىت بەلدەۋىنىڭ ەنگىزىلۋىنە بايلانىستى, جۇمىس كۇنى قىسقارۋى مۇمكىن بە? بۇل ساۋالعا ەڭبەك جانە حالىقتى الەۋمەتتىك قورعاۋ ءمينيسترى جاۋاپ بەردى, دەپ حابارلايدى qandastar.kz Skifnews.kz اقپارات پورتالى.

سۆەتلانا جاقىپوۆا قولدانىستاعى ەڭبەك زاڭناماسى ىڭعايلى ءارى قىزمەتكەرگە قولايلى جۇمىس كەستەسىن قۇرۋعا مۇمكىندىك بەرەدى دەپ وتىر. ياعني, 40 ساعاتتىق جۇمىس اپتاسى بولسا, سەگىز ساعاتتان بەس كۇن ەڭبەككە تارتىلاسىز. ال جۇمىسقا شىعۋ جانە كەتۋ ۋاقىتىن جۇمىس بەرۋشىنىڭ كەلىسىمىمەن اۋىستىرۋعا بولادى. ماسەلەن, ءارتۇرلى جاستاعى بالاڭىز بار دەيىك.

بىرەۋى بالاباقشاعا, ەكىنشىسىن مەكتەپكە اپارۋىڭىز كەرەك. مۇنداي جاعدايدا جۇمىس كۇنىڭىزدى 2 ساعاتقا سوزۋعا نەمەسە كەش كەلۋگە بولادى, دەپ جازادى qazaqstan.tv.

نەمەسە تۇسكى ۋاقىتتى ۇنەمدەپ, جۇمىس ىستەپ, ۇيگە ەرتە شىعا الاسىز. كەز كەلگەن جۇمىس بەرۋشى ىڭعايلى جانە قاۋىپسىز ەڭبەك جاعدايىن جاساۋ ءۇشىن وسى شارالارعا بارادى دەپ اتاپ ءوتتى مينيستر.