قازاقستانداعى العاشقى اەس قۇرىلىسى قاشان باستالاتىنى ايتىلدى

فوتو: depositphotos.com

اتوم ەنەرگياسى جونىندەگى اگەنتتىك قازاقستاندا اتوم ەلەكتر ستانتسياسىن (اەس) سالۋ جوباسى اياسىندا باستالاتىن جۇمىستارعا ارنالعان سالتاناتتى راسىمگە جۋرناليستەردى شاقىرىپ, ءباسپاسوز انونسىن جاريالادى, دەپ جازدى qandastar.kz

بۇل تۋرالى Stan.kz اقپارات اگەنتتىگى حابارلايدى.

ءىس-شارا 8 تامىز كۇنى الماتى وبلىسىنداعى ۇلكەن اۋىلىندا وتەدى.

ايتا كەتەيىك, ءباسپاسوز-انونسى رەسمي مالىمدەمە بولىپ سانالمايدى. دەگەنمەن, 8 تامىز كۇنى قازاقستانداعى العاشقى اەس قۇرىلىسىن رەسمي تۇردە باستاۋ جوسپارلانىپ وتىر دەۋگە نەگىز بار.

اتوم ەنەرگياسى اگەنتتىگىنىڭ ءباسپاسوز قىزمەتى تاراتقان اقپاراتقا سايكەس, سالتاناتتى ءراسىم بارىسىندا توپىراق ۇلگىلەرىن الۋ ءۇشىن بۇرعىلاۋ جۇمىستارى باستالىپ, كەيىن زەرتتەۋ جۇرگىزۋ ءۇشىن كاپسۋلا رەسەيلىك تاراپقا سالتاناتتى تۇردە تابىستالماق.

ەسكە سالساق, بۇعان دەيىن قازاقستانداعى العاشقى اەس-ءتى رەسەيلىك “روساتوم” كومپانياسى سالاتىنى تۋرالى جازعان ەدىك. سونداي-اق اتوم ەنەرگياسى جونىندەگى اگەنتتىك توراعاسى الماسادام ساتقاليەۆ قازاقستاننىڭ ءبىرىنشى اەس-ءتىڭ جالعىز يەسى بولاتىنىن مالىمدەدى.