Qazaqstandaǵy alǵashqy AES qurylysy qashan bastalatyny aıtyldy

Foto: depositphotos.com

Atom energııasy jónindegi agenttik Qazaqstanda Atom elektr stanııasyn (AES) salý jobasy aıasynda bastalatyn jumystarǵa arnalǵan saltanatty rásimge jýrnalısterdi shaqyryp, baspasóz anonsyn jarııalady, dep jazdy qandastar.kz

Bul týraly Stan.kz aqparat agenttigi habarlaıdy.

Is-shara 8 tamyz kúni Almaty oblysyndaǵy Úlken aýylynda ótedi.

Aıta keteıik, baspasóz-anonsy resmı málimdeme bolyp sanalmaıdy. Degenmen, 8 tamyz kúni Qazaqstandaǵy alǵashqy AES qurylysyn resmı túrde bastaý josparlanyp otyr deýge negiz bar.

Atom energııasy agenttiginiń baspasóz qyzmeti taratqan aqparatqa sáıkes, saltanatty rásim barysynda topyraq úlgilerin alý úshin burǵylaý jumystary bastalyp, keıin zertteý júrgizý úshin kapsýla reseılik tarapqa saltanatty túrde tabystalmaq.

Eske salsaq, buǵan deıin Qazaqstandaǵy alǵashqy AES-ti reseılik “Rosatom” kompanııasy salatyny týraly jazǵan edik. Sondaı-aq atom energııasy jónindegi agenttik tóraǵasy Almasadam Sátqalıev Qazaqstannyń birinshi AES-tiń jalǵyz ıesi bolatynyn málimdedi.