قازاقستانداعى العاشقى اەس-ءتى رەسەي سالاتىن بولدى

قازاقستاندا سالىناتىن اتوم ەلەكتر ستانتسياسىن تۇرعىزۋعا قاتىستى ۇزدىك ۇسىنىس رەتىندە رەسەيدىڭ «روساتوم» كومپانياسى تاڭدالدى, دەپ جازدى qandastar.kz

بۇل شەشىمدى اتوم ونەركاسىبىن دامىتۋ جونىندەگى ۆەدومستۆوارالىق كوميسسيا قابىلداعان, دەپ حابارلايدى Skifnews.kz اقپارات پورتالى.

“جۇرگىزىلگەن تالداۋ ناتيجەلەرى اتوم ونەركاسىبىن دامىتۋ جونىندەگى ۆەدومستۆوارالىق كوميسسيانىڭ قاراۋىنا ۇسىنىلدى. كوميسسيا قازاقستاندا اەس سالۋ بويىنشا ەڭ ءتيىمدى جانە وڭتايلى ۇسىنىس رەتىندە «روساتوم» كومپانياسىن تاڭدادى. ودان كەيىنگى ورىندا – قىتايدىڭ CNNC كومپانياسى. فرانتسيانىڭ EDF جانە كورەيانىڭ KHNP كومپانيالارى ءۇشىنشى ورىندى ءبولىستى”, – دەلىنگەن رەسمي حابارلامادا.

اگەنتتىك شەتەلدىك سەرىكتەستەرمەن بىرلەسىپ, ءتيىمدى حالىقارالىق كونسورتسيۋم قۇرۋ باعىتىنداعى جۇمىستى جالعاستىرىپ جاتقانىن اتاپ ءوتتى. ەسكە سالايىق, بيىل اقپاندا ەلىمىزدە العاشقى اەس سالىناتىن ورىن انىقتالعان بولاتىن. الايدا جوبانى جۇزەگە اسىراتىن ناقتى جەتكىزۋشى نەمەسە كونسورتسيۋم جونىندە تۇپكىلىكتى شەشىم قابىلدانعان جوق. ەنەرگەتيكا مينيسترلىگى بۇل ماسەلە جىل سوڭىنا دەيىن شەشىلەتىنىن حابارلاعان ەدى. اەس قۇرىلىسىنا ۇمىتكەرلەر قاتارىندا رەسەيدەن بولەك, فرانتسيا, قىتاي جانە وڭتۇستىك كورەيا كومپانيالارى دا بار