Álem jańalyqtary
Qazaqstandaǵy alǵashqy AES-ti Reseı salatyn boldy
AES qurylysyna úmitkerler qatarynda Reseıden bólek, Franııa, Qytaı jáne Ońtústik Koreıa kompanııalary da bar.
Qazaqstanda salynatyn atom elektr stanııasyn turǵyzýǵa qatysty úzdik usynys retinde Reseıdiń «Rosatom» kompanııasy tańdaldy, dep jazdy qandastar.kz
Bul sheshimdi Atom ónerkásibin damytý jónindegi vedomstvoaralyq komıssııa qabyldaǵan, dep habarlaıdy Skifnews.kz aqparat portaly.
“Júrgizilgen taldaý nátıjeleri Atom ónerkásibin damytý jónindegi vedomstvoaralyq komıssııanyń qaraýyna usynyldy. Komıssııa Qazaqstanda AES salý boıynsha eń tıimdi jáne ońtaıly usynys retinde «Rosatom» kompanııasyn tańdady. Odan keıingi orynda – Qytaıdyń CNNC kompanııasy. Franııanyń EDF jáne Koreıanyń KHNP kompanııalary úshinshi oryndy bólisti”, – delingen resmı habarlamada.
Agenttik sheteldik seriktestermen birlesip, tıimdi halyqaralyq konsorıým qurý baǵytyndaǵy jumysty jalǵastyryp jatqanyn atap ótti. Eske salaıyq, bıyl aqpanda elimizde alǵashqy AES salynatyn oryn anyqtalǵan bolatyn. Alaıda jobany júzege asyratyn naqty jetkizýshi nemese konsorıým jóninde túpkilikti sheshim qabyldanǵan joq. Energetıka mınıstrligi bul másele jyl sońyna deıin sheshiletinin habarlaǵan edi. AES qurylysyna úmitkerler qatarynda Reseıden bólek, Franııa, Qytaı jáne Ońtústik Koreıa kompanııalary da bar
