جاڭالىقتار
قازاقستانداعى العاشقى ينتەرنەتى بار پويىز ساپارعا شىقتى
فوتو:اشىق دەرەككوز
بۇگىن ەلوردادان №3/4 «استانا-الماتى» باعىتى بويىنشا جۇرەتىن پويىز جولعا اتتاندى, دەپ حابارلايدى qandastar.kz
BAQ.KZ جازعانداي, بۇل پويىز جولاۋشىلارعا ينتەرنەتكە قول جەتكىزۋ مۇمكىندىگىن ۇسىنعان قازاقستانداعى العاشقى جوبا بولدى. جاڭاشىلدىق سپۋتنيكتىك تەحنولوگيالاردى پايدالانۋ ارقىلى جۇزەگە اسىرىلىپ, العاشقى رەيستە 500 جولاۋشى ينتەرنەتتىڭ ارتىقشىلىقتارىن پايدالانىپ ۇلگەردى.
ساپار بارىسىندا جولاۋشىلار WhatsApp ارقىلى حابار الماسىپ, YouTube-تان بەينەلەر كورىپ, باسقا دا تانىمال ينتەرنەت سەرۆيستەرىن پايدالانا الادى. دەگەنمەن, توررەنتتەر مەن اعىندى جۇكتەۋ سايتتارىنا قولجەتىمدىلىك شەكتەلگەن. لوكوموتيۆكە ورناتىلعان زاماناۋي سپۋتنيكتىك جابدىق بۇكىل مارشرۋت بويى تۇراقتى ءارى جوعارى جىلدامدىقتاعى ينتەرنەتپەن قامتاماسىز ەتەدى.
جوبانىڭ جۇزەگە اسىرىلۋى تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى, كولىك مينيسترلىگى, «Jusan Mobile» تەلەكوممۋنيكاتسيا كومپانياسى جانە قازاقستانداعى Eutelsat-OneWeb رەسمي ديستريبيۋتورىنىڭ سەرىكتەستىگى ارقاسىندا مۇمكىن بولدى.
