جاڭالىقتار
قازاقستانداعى ەڭ «اقىلدى» قالا انىقتالدى
جاقىندا تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى «اقىلدى» تەحنولوگيالاردى قولدانۋ دەڭگەيى بويىنشا قالالار رەيتينگىن جاريالادى. مينيسترلىك اقپاراتىنا سەنسەك, كوش باسىندا استانا, الماتى جانە قاراعاندى قالالارى تۇر, دەپ حابارلايدى Qandastar.kz.
ال ەڭ تومەنگى ناتيجەنى اقتاۋ كورسەتتى.
اقىلدى قالالار» رەيتينگى (جوعارىدان تومەن قاراي):
- استانا
- الماتى
- قاراعاندى
- قوستاناي
- وسكەمەن
- ورال
- قىزىلوردا
- پاۆلودار
- تالدىقورعان
- شىمكەنت
- پەتروپاۆل
- تۇركىستان
- اتىراۋ
- قوناەۆ
- اقتوبە
- كوكشەتاۋ
- تاراز
- سەمەي
- جەزقازعان
- اقتاۋ
رەيتينگ جاساۋ كەزىندە كەلەسى كورسەتكىشتەر ەسكەرىلگەن:
- ەلەكتروندى كۇندەلىك جۇيەسى,
- دارىگەرگە ونلاين جازىلۋ,
- اۆتوبۋستاردىڭ ناقتى ۋاقىتتاعى قوزعالىسىن باقىلاۋ,
- 109 بايلانىس ورتالىعى,
- بەينەباقىلاۋ كامەرالارىنىڭ سانى.
بۇدان بولەك, كەيبىر وڭىرلەردە مەديتسينالىق سۋرەتتەردى جاساندى ينتەللەكت كومەگىمەن تالداۋ جۇيەسى ەنگىزىلۋدە. بۇل تەحنولوگيا ونكولوگيالىق اۋرۋلاردى ەرتە انىقتاۋعا كومەكتەسەدى. سونىمەن قاتار, الماتى مەن قاراعاندىدا جول جاعدايىن باقىلاۋ ءۇشىن دە ي قولدانىلا باستادى, ول دەرەكتەردى جيناپ, تسيفرلىق كارتالار قۇراستىرادى.
ەسكە سالا كەتەيىك, بۇعان دەيىن وسىنداي رەيتينگ 2020 جىلى جاسالعان بولاتىن. ول كەزدە باعالاۋ 11 باعىت پەن 80-نەن استام كريتەري بويىنشا جۇرگىزىلگەن. ولارعا ءبىلىم بەرۋ مەن مەديتسينا سالاسىن تسيفرلاندىرۋ, تۇرعىن ءۇي-كوممۋنالدىق شارۋاشىلىق پەن كولىك جۇيەسىن اۆتوماتتاندىرۋ, ەكولوگيانى باقىلاۋ, «اقىلدى» ەسەپتەۋىش قۇرىلعىلارىن ەنگىزۋ, ستارتاپتاردى دامىتۋ, يت-سەرۆيستەرگە قولجەتىمدىلىك سياقتى كورسەتكىشتەر كىرگەن.
